اسلام آباد(پاکستان نیوز پوائنٹ 2 نومبر2016ء) مزن وزیر محمد نواز شریف ءَ اے گپ ءِ سرا تسلا ءِ درشانی کرتگ انت کہ پانامہ پیپرز ءِ معاملہ سپریم کورٹ ءَ ھل بیت ءُُ امید گِس ءَ آئینءُُ قانود ءِ ردا ایشی پیسلہ بیت۔ اُلس ءَ سڑک آنی سرا احتجاج ءَ رد کرتگ، شکرانہ ادا کنوک باز دیما شکر ادا کنگ لوٹتگ ات انت چوشکہ مئے موقف اول روچ ءَ چہ مزنیں واضح انت۔
آئی ءَ اے گپ چار شمبے ءَ بنجاہی کابینہ ءِ دیوانءِ پاگواجہی کنگءَ کرتگ۔ مزن وزیر ءَ گشتگ کہ منی ھاتر ءَ کل آں چہ زیات تسلا ءِ گپ ایش انت کہ پانامہ پیپرز ءِ معاملہ سپریم کورٹ ءَ ھل بیت۔ آئیءَ گشتگ کہ من اے مسلسل کوشست کرتگ ءُُ من بذات وت سپریم کورٹ ءَ کمیشن جوڑ کنگءِ درخواست کرتگ۔ یک قانود ہم جوڑ کرتگ ءُُ یک پارلیمانی کمیٹی ہم جوڑ کرتگ بلے مئے اے کوشست نا کار منتگ۔
مزن وزیر ءَ گشتگ کہ احتجاج کنوک آنی مکسد ایش ات کہ اے معاملہ ءَ الما ءُُ الما سرک ءَ بہ زور انت۔ آئی ءَ گشتگ کہ اللہءِ مزنیں کرم انت کہ اے معاملہ سپریم کورٹ ءَ آتکگ انت اودا انشاء اللہ آئین ءُُ قانود ءِ ردا ایشی پیسلہ بیت۔ مزن وزیر محمد نوا ز شریف ءَ گشتگ کہ آ پاکستان ءِ اُلس ءِ شکر گزار انت آھاں سڑک ءِ سرا احتجاج ءَ رد کرتگ۔ انشاء اللہ پیسلہ میرٹءِ سرا بیت۔
شکر انہ ادا کنوک آں باز دیما شکر ادا کنگ لوٹگی ات۔ مئے موقفہ اول روچ ءَ چہ مزن واضح ات۔ آئی ءَ گشتگ کہ سپریم کورٹءَ لوٹیت اے پٹیشنءِ قابل سماعت بوھگءَ ھچ شکوک ءُُ شبہات بیت بلے آئی ءَ وتی وکیل آں اے معاملہ ءِ سرا بحثءُُ جست کنگ ءَ داشتگ انت ءُُ گشتگ کہ اے پٹیشن ءَ ایڈ مٹ بوھگ ءَ یل بہ دئیت۔ ڈوبہ جنوک شرمندہ بہ باں آئی ءَ گشتگ کہ 2014ءَ کمیشن ءِ پیسلہ ءَ پد ہم آئیءَ شرمدنہ بوھگ کپگی ات۔
آئی ءَ اے راج ءِ 126روچ ضائع کنگ ءُُ معاشی تاوان ءَ پد ھچ ہم شرمندگی ءِ درشانی نہ کرتگ۔ مزن وزیر ءَ گشتگ کہ 2014ءَ پد الحمد اللہ کنٹونمنٹ بورڈ، لوکل باڈیز، گلگت بلتستان ءُُ آزاد جموں کشمیر ءِ گچینکاریءَ اللہ ءَ مارا سرخرو کرتگ ءُُ ر سوبی داتگ۔ مزنو زیر محمد نواز شریف ءَ ملک ءِ شریں معاشی جاورال ءِ گپ کنگ ءَ گشتگ کہ لہتیں اول آئی ایم ایف ءِ ایم ڈی ءُُ ایشین ڈویلپمنٹ بینک ءِ صدر پاکستان آتک انت آھاں پاکستانءِ معاشی ءُُ اقتصادی دیمروی ءِ ستا کرت انت آئیءَ گشتگ کہ آئی ایم ایف ءِ گوں مئے پروگرام الحمد اللہ ھلاس بوتگ انت آئی ءَ گشتگ کہ پاکستانءِ تاریخ ءَ اولی بار ہم یک میکرو اکنامک ریفارمز پرگرام سرجم کرتگ انت آئی ءَ گشتگ کہ نوں مارا دِگہ محنت کنگی انت راج ءِ مسئلہ ھل کنگ ءُُ معاشی شر تری ءِ ھاتر ءَ شپ ءُُ روچ کار کنگی انت۔
