اسلام آباد(پاکستان نیوز پوائنٹ 2 نومبر2016ء) مزن وزیر محمدنواز شریف ءِ سروکی ءَ بنجاہی کابینہ ءَ ریاست ءِ عملداری اڈ دئیگ ءِ سرا قانود نافذ کنوکیں ادارگ ءِ کرد ءِ ستا کنگ ءَ اسلام آباد ءِ سرا یلغار ءُُ ایشی ءَ بند کنگ ءِ ھستیں جاورال ءَ شریں وڑ ءَ دو چار بوھگ ءِ سرا وزیر داخلہ چوہدری نثار علی خان ءِ کوشست آں سہڑائینتگ انت۔ مزن وزیر ءَ چار شمبے ءَ کابینہ دیوان ءِ پاگواجہی کنگ ءَ ریاست ءِ رکھگ ءِ ھاترءَ وتی فرض ادا کنگ ءِ سرا وزیر داخلہ چوہدری نثار علی خان ءِ ستا کعرتگ۔
مزن وزیر ءَ گشتگ کہ ریاست ءِ عملداری اڈ دئیگ ءِ سرا قانود نافذ کنوکیں ادارگ آنی کرد ستا ءِ لائق انت۔ اے موہ ءَ وزیر داخلہ ءَ گشتگ کہ آئی ءَ مزن وزیر محمد نواز شریف ءِ راھشون ءُُ سروکی ءِ ردا وتی فرض ادا کرتگ ءُُ آئی ءِ سرا بھروسہ ءُُ حمایت ءِ سرا شکر ءِ درشانی کرتگ۔ آئی ءَ پولیس ءُُ فرنٹیئر کور کانسٹیبلری ءَ ستا پیش کنگ ءَ گشتگ کہ آ ریاست ءُُ قانود ءِ گوں اوشتاتگ۔ دیما کابینہ مراگش ءِ بندات قرآن پاک ءِ تلاوت ءَ بوتگ۔ وزیر مملکت مذہبی امور پیر امین الحسنات ءَ تلاوت ءِ سعادت حاصل کرتگ۔ کابینہ ءَ گڈانی شپ یارڈ ءَ آچ ءِ وھیل ءَ بیران ءُُ پولیس ٹریننگ کالج کوئٹہ ءِ شہید آنی ھاتر ءَ فاتحہ وانی ہم کرتگ۔
