اسلام آباد(پاکستان پوائنٹ نیوز11دسمبر 2018ء) پاک بحریہ نا سروک ایڈمرل ظفر محمود عباسی پاکستان میری ٹائم سیکورٹی ایجنسی نا کیٹی بندر اٹی پوسکن جوڑ مروک آ بیس انا بناءِ کرے۔ ترجمان پاک بحریہ نا رداٹ خصوصی دود اٹی چیف آف دی نیول اسٹاف ءِ پاکستان میری ٹائم سیکورٹی ایجنسی بیس کیٹی بندر نا کڑد، مشن ، زمواری و آپریشنل چیلنج آتا بارواٹ احوال تننگا۔
مہمان خاص بیس انا دورہ ءِ کرے و پاکستان میری ٹائم سیکورٹی ایجنسی نا کرکی علاقہ غاتے ٹی پوسکن آ یونٹ آتا جوڑ کننگ نا کوشست آتا ستاءِ کرے۔ دا بیس آبی وسیلہ غاتا رکھ و سمندر اٹی غیر کانودی ماہی گیری نا توننگ ءِ المی جوڑ کیک۔ کیٹی بندر بیس انا جوڑ کننگ آن الس و ماہی گیر آتے سرچ اینڈ ریسکیو آپریشن نا دمدستی آسراتی ہم فراوان کننگک۔ بنائی دود اٹی ہندی ایم این اے، ڈی جی پی ایم ایس اے، فلیگ و ایلو آفیسر و ہندی انتظامی آفیشل آک ہم ساڑی ئسر۔
