اسلام آباد(پاکستان پوائنٹ نیوز11دسمبر 2018ء) بنجائی وزیر کانود و انصاف بیرسٹر فروغ نسیم پارینے کہ جہانی برادری بھارت نا آبی بیدادی نا نوٹس ءِ ہلے و جہانی بینک دامعاملہ ٹی غیر جانبدارانہ کڑد ادا کے۔ دوشنبے نادے سینٹر فار گلوبل سٹریٹجک سٹڈیز نا کنڈآن ”دیر و برصغیر اٹی آخبت اٹی جنگ و امن“ نا سرحال آ جہانی کانفرنس آن تران کرسا اوپارے کہ جہانی برادری ءِ سندھ طاس معاہدہ غا عملدرآمد کن تینا کڑد ءِ بایدے اداکروئی مرے۔
بھارت وپاکستان اٹی دیر انا جھیڑہ غاتا بنا1948 ء آن مسوسس و ہڑتوم آ ملک آک اِراجنگ کرینو۔ اگرچہ 1960 ء ٹی مروک آ سندھ طاس معاہدہ بھلو وخت اسسکان سرسہبی اٹ چلینگسا کرے ولے بھارت دریائے سندھ، جہلم و چناب نا دیر ءِ صنعتی کاریم اٹ اتسا معاہدہ نا خلاف ورزی ءِ کرے۔ بھارت بیرہ ہمو حال اٹ دادیر ءِ کاریم اٹ اتنگ بجلی ودی کننگ کن کننگ کریکہ اگہ اوڑان پاکستان ءِ دیر انا فراوانی زہمی مفئے۔
بھارت اسہ کنڈی وڑاٹ سندھ طاس معاہدہ ءِ چٹفنگ کپک دادے چٹفنگ کن تین پہ تینی رضامندی درکار مریک۔ بھارت دریائے جہلم و چناب نا دیر آ ڈیم جوڑ کننگ نا ارادہ تخک ہرا ننکن سجفنگ نا ہیت اسے۔ اوپارے کہ جہانی برادری بھارت ناآبی بیدادی نا نوٹس ءِ ہلے و جہانی بینک دامعاملہ ٹی غیر جانبدارانہ کڑد ادا کے۔
