جمعیت علماء اسلام نا باسک قومی اسمبلی حاجی میر محمد عثمان بادینی نا میڈیا تون ہیت گپ

کوئٹہ(پاکستان پوائنٹ نیوز 21 مئی 2018ء) جمعیت علماء اسلام نا باسک قومی اسمبلی حاجی میر محمد عثمان بادینی پارینے کہ جمعیت علماء اسلام ٹی نظریاتی و فکری ورکر آتا باز اہمیت ءِ ۔ کارندہ غاک نن و دے خواری اٹ بلوچستان اٹ پبی وڑاٹ فعال مریرہ ۔ قلات ٹی شہدائے اسلام کانفرنس نا سرسہب اڈہلنگ آن پد ثابت کریر کہ جمعیت علماء اسلام نا پارلیمانی سیاست اٹی اہم رول ئس ءِ، دا ہیت ءِ او میڈیا نا نمائندہ غاتتون ہیت گپ کرسا کرے ، باسک قومی اسمبلی حاجی میر محمد عثمان بادینی مستی پارے کہ 2018 نا جنرل الیکشن ٹی دینی جماعت آتا سیوت متحدہ مجلس عمل نا پلیٹ فارم تون الیکشن ٹی بشخ ہلنگو۔