وزیر اعلیٰ بلوچستان نا شونداری پیکج تون بارکھان نا زیبائی ٹی ودکی بسونے اگہ شونداری کاریم ٹی نا قص میٹریل کاریم اٹی اتینگاتو دا ٹھیکیدار نا ٹھیکہ منسوخ مریک و ملوث آفیسرآتا بر خلاف سخت کارروائی کننگک انتہ کہ دا پیسہ غاک الس نا ء ُ و الس آ خڑچ مریرہ ۔،کمشنرژوب ڈویژن حافظ محمدطاہر

لورالائی(پاکستان پوائنٹ نیوز 21 مئی 2018ء) کمشنرژوب ڈویژن حافظ محمدطاہرپارینے کہ وزیر اعلیٰ بلوچستان نا شونداری پیکج تون بارکھان نا زیبائی ٹی ودکی بسونے اگہ شونداری کاریم ٹی نا قص میٹریل کاریم اٹی اتینگاتو دا ٹھیکیدار نا ٹھیکہ منسوخ مریک و ملوث آفیسرآتا بر خلاف سخت کارروائی کننگک انتہ کہ دا پیسہ غاک الس نا ء ُ و الس آ خڑچ مریرہ ۔ دا خیال آ تا درشانی ءِ او تینا عہد ہ نا چارج سنبھالنگ آن پد ضلعی آفیسرآتیتون اجلاس نا کماشی نا دروان تران کرسا کرے ۔

کمشنر مچ آ ضلعی آفیسراکے پارت جاری کرسا پارے کہ تینا حاضری ءِ یقینی جوڑ کرسا الس نا ویل آتا زوت اس حل کین۔ کمشنر ژوب ڈویژن حافظ محمدطاہر ڈی سی آفس ٹی مچ آ ضلعی آفسیراتتون اڈ ادیوان نا کماشی ءِ کرے ۔ اجلاس ٹی ڈپٹی کمشنر منیراحمد خان کاکڑ،ایڈیشنل ڈپٹی کمشنرسیدعثمان شاہ ،ڈی ایس پی عبدالفتح بگٹی نا بیدس ایکسین بی اینڈ آر قاسم رضا،ایس ڈی او بی اینڈآر بارکھان شاہ جہان کھیتران،ڈسٹرکٹ ایجو کیشن آفیسراخترمحمدکھیتران،ایم ایس ڈاکٹرشیرزمان کھیتران،ڈپٹی ڈائریکڑ زراعت جلال خان مری،ایکسین پی ایچ ای عبدالجبار،ایل ایس واپڈا عبدالغفار حسنی ساڑی ائسرہ۔