کوئٹہ (پاکستان پوائنٹ نیوز 16 مئی 2018ء) بلوچستان نیشنل پارٹی ضلع کوئٹہ نا ضلعی صدر احمد نواز بلوچ تینا جاری کرو ک بیان اس ٹی ڈائریکٹر اکنامکس و مارکیٹ کمیٹی ذراعت نا کنڈان مارکیٹ کمیٹی فیس آتا ٹینڈر کننگ ءِ غریب و عارضی ملازمین آتیان روزگار ءِ پلنگ نا مترادف گوندانے ، دا نا رواپالیسی نا ترند لفظ آتیٹی مذمت ءِ کرسا پارینے کہ انتظامیہ و حکمران آتا مدام روش مسونے کہ اوک غریب الس ءِ اسراتی تننگ نا جا گہ غا اوڑان اونا باانا باخوءِ پلنانو ۔
ہرانا نتیجہ ٹی مارکیٹ کمیٹی نا ملازمین نا ویل آتیٹی ودکی بننگءِ۔ او پارے کہ مارکیٹ کمیٹی ٹی غریب الس خواری و مزدوری نا رداٹ تینا چناتا پڈءِ ولیفک ہراکے بھلو وخت آس نا جاری ءِ۔ دا سا ڈائر یکٹر مارکیٹنگ نا ٹینڈر نا رداٹ عارضی ملازم نا معاشی خون کننگ نا پروگرام ترتیب تننگءِ ہراٹی ملازمین اٹی بے چیٹی تالان مسونے چندی محکمہ غاتیٹی عارضی ملازم آکے مستقل کننگ انگ ءِ۔ والے مارکیٹ کمیٹی نا ملازم آتے آخبتی کننگ نا جاگہ غاکشئنگ نا کوشست ءِ کننگ انگ ءِ ،ہرانا بی این پی ترندی اٹ مذمت ءِ کرسا ہرفورم آ دانا سیاسی و جمہوری وڑاٹ مذمت ءِ کرسا توار چست کینہ۔ او پارے کہ داڑان مسٹ ہم ٹینڈر نا آزمودہ ءِ کننگاسس ہراکہ سرسہب متو۔
