ملک انا ایلو ادارہ غاتیابار وکالت نا شعبہ ہم بھس مننگءِ ، پاکستان تحریک انصاف

ملک انا ایلو ادارہ غاتیابار وکالت نا شعبہ ہم بھس مننگءِ ، پاکستان تحریک انصاف

کوئٹہ(پاکستان پوائنٹ نیوز 16 مئی 2018ء) پاکستان تحریک انصاف نا بنجائی راہشون و کوئٹہ بار نا بانی مسکوہی صدر ملک سمند رخان کاسی ایڈووکیٹ ملک ہاؤس کلی کتیر آن جاری مروک آبیان اٹ پارینے کہ ملک انا ایلو ادارہ غاتیابار وکالت نا شعبہ ہم بھس مننگءِ ، ہرانا سوب وکیل آک اتینا و تینا خاہوت و دوست عزیز نا کیس ءِ ہلیسہ عدالت آتیٹی پیش مفننگ و عدالت آتا وخت ءِ زیان و جج آتیا اثر و رسوخ ءِ کاریم آٹ اتیسہ جج آک اسہ کنڈفیصلہ کیرہ۔

ہراڑان الس نا عدالت آپت چٹک و انصاف نا نفی مریک و راج ٹی قبائلی جھیڑہ غاک و فساد نا خدشہ ودئی مننگ ءِ و باز واکیل آک وکالت نا معزز پیشہ ءِ و ہرا واکیل آک دا شعبہ ءِ خذمت نا وڑاٹ و اسہ مشن نا وڑاٹ ارفینوہندن خواوری کش و حقیقت آمبنی و راست ء ُ کیس ارفیرہ اونا است آزاری وا ایمانداری و اہلیت کن اسہ بھلو دھچکہ اس ءِ و انصاف نا نفی نا مترادف ءِ۔

ہندن سیاست دان آک ہم اسہ ایلو نا بر خلاف غداری و وفاداری نا دوبہ ،القابات آتے غیر جمہوری ، امرو و غاصب آتا موقف ءِ تقو یت تننگ آن اچس کتوس۔ و او ہراجج آتا نظریہ ضرورت نا رداٹ دا ڈکٹیٹرآک و آمرو آک ءِ آئین ٹی ترمیم کننگ نا اختیار تسسرہ۔ اوفتا سوب آن اینو ملک نازک ء ُ دور اسے آن گدرینگنگءِ ۔ دا حالت ٹی سیاستدان سیوت و اسجائی آن ہچ ء ُ کسراس اف، ہرا 2018 ء نا گچین کاری چندی بہانہ و وڑاٹ گچین کاری کننگ خواہپسہ ، بدقسمتی آن سیاسی جماعت آتیٹی ہم پنشن مروک ء ُ سرکاری ملازم اسرہ ، سیاسی جماعت آتیٹی اتفاق و سیوت خواہپسہ،