اسلام آباد (پاکستان نیوزپوائنٹ 13مارچ2018ء) مسلم لیگ (ن) نا جنرل کونسل وزیراعلیٰ پنجاب محمد شہباز شریف ءَ پارٹی نا بیدس مقابلہ صدر گچین کننگا۔ چارشنبے ءَ بنجائی جنرل کونسل نا اجلاس کنونشن سینٹر اسلام آباد ٹی اڈ ہلک ۔ داوخت آ مسلم لیگ (ن) نا قائد محمد نواز شریف، وزیراعظم شاہد خاقان عباسی، مسلم لیگ (ن) نا چیئرمین راجہ محمد ظفرالحق، وزیراعلیٰ شہباز شریف تون اوار بنجائی وزیرک ، وزرائے مملکت، ارکان پارلیمنٹ و آزاد کشمیر، گلگت بلتستان تون اوار مچ آ ملک آن بروک آ جنرل کونسل نا دونیم ہزار آن زیادہ باسک آک ساڑی ائسرہ ۔
تدوک آ تُو مسلم لیگ (ن) نا مرکزی مجلس عاملہ وزیراعلیٰ شہباز شریف ءِ مسلم لیگ (ن)نا قائم مقام صد ر پنی کننگاسس۔ شہباز شریف نا مقابلہ ٹی کسئس ہم کاغذات پنداری جمع کرفتنے۔ داوڑ بنجائی جنرل کونسل وزیر اعلی شہباز شریف ءِ پارٹی نا بید س مقاملہ غان صدر گچین کننگا۔ وزیر کانود محمود بشیر ورک دیوان ءِ پارے کہ وزیر اعلیٰ شہباز شریف کن 8 کاغذات پندار جمع کریفے۔ دانا مقابلہ ٹی کسس کاغذات پنداری جمع کرفتنیہءِ۔ وزیراعلیٰ شہباز شریف نا کاغذات پنداری ٹی آزاد کشمیر، گلگت بلتستان، وفاقی دارالحکومت اسلام آباد و ہر چارآصوبہ غاتا پارٹی صدراتے تجویز کنندگان ٹی اوار ءَ۔ ہنداوڑ وزیر اعلیٰ پنجاب ءِ پارٹی نا بیدس مقابلہ صدر گچین کننگا۔
