بلوچستان میر عبدالقدوس بزنجو نا اسلام آباد آن کوئٹہ آسرمننگا پریس کانفرنس آن تران

بلوچستان میر عبدالقدوس بزنجو نا اسلام آباد آن کوئٹہ آسرمننگا پریس کانفرنس آن تران

کوئٹہ(پاکستان نیوزپوائنٹ 13مارچ2018ء) وزیراعلیٰ بلوچستان میر عبدالقدوس بزنجو پارینے کہ چیئرمین سینیٹ نا گچین مننگ آ آصف علی زرداری ،عمران خان مچ آ سینٹرآتا منت واری ءِ ارفے و پارے کہ ارفک ننا مخ تفی ءِ کرے و ہراتنوتوقعات اسک، او ننے مایوس کرینو۔ بلکہ بلوچستان نا الس ءِ ہم بروک آ گچین کاری تا حوالہ اٹ سجیفنگ ۔ محمود خان اچکزئی جمہوریت نا ہیت ءِ کیک ولے تینا پارٹی ٹی گچین کاری انتکہ کریفپک، ننا سیلاہ ءِ کہ او پارٹی ٹی گچین کاری کریفے تانکہ 2018 ء نا گچین کاری ٹی باسک اسمبلی آجو حیثیت ٹی گچین کاری تیٹی بشخ ہلپس۔

دا خیال آتا درشانی ءِ او اسلام آباد آن کوئٹہ غا سرمننگ تون وزیر اعلیٰ سیکریڑیٹ ٹی پریس کانفرنس آن تران کرساکرے۔پریس کانفرنس نا وخت آ صوبائی وزیر داخلہ میر سرفراز بگٹی ،صوبائی وزیر بلدیات میر غلام دستگیر بادینی ،صوبائی وزیربی اینڈ آر میر عاصم کرد گیلو ،وزیراعلیٰ نا پولیٹکل سیکرٹری سید اسلم شاہ و شازمان غلزئی ہم ساڑی ائسک۔وزیراعلیٰ بلوچستان میر عبدالقدوس بزنجو پارے کہ نن سینیٹ نا گچین کاری ٹی شش باسک اسمبلی دوئی کننگ آن پد بھلاپارٹی تینا خواست کرین کہ ننے داوار سینیٹ نا چیئرمین شپ تننگے ۔

نن پاکستان تحریک انصاف نا سروک عمران خان ،پیپلز پارٹی نا شریک چیئرمین آصف علی زرداری ،فاٹا نا سینیٹر وایم کیو ایم نا کماش آتا منت وار ہن کہ اوفک بیدس شریط آن ننا مخ تفی ءِ کریر۔ وزیراعلیٰ بلوچستان پارے کہ میر صادق سنجرانی نا گچین کاری آنن مچ آ پورا ملک خاص وڑاٹ بلوچستان نا الس ءِ مبارک تیوہ ۔ او پارے کہ پشتونخوا میپ نا سروک محمود خان اچکزئی ونیشنل پارٹی نا سروک میر حاصل خان بزنجو آن ننے دا توقع ہلوکہ او فرزند بلوچستان میر صادق سنجرانی نا پن آ ننا بیر ہ مخ تفی ءِ کیرہ بلکہ ننا جہد ٹی ننا کماشی ءِ کریے ولے افسوز کہ اونہ بیرہ ننا مخ تفی آن نہ من مسر بلکہ نن خلاف پروپیگینڈ ہ ہم کریر۔(ع ․ن)