کوئٹہ(پاکستان نیوزپوائنٹ 20فروری2018ء) صوبائی وزیر صحت میر عبدالماجد ابڑو پارنے کہ الس نا طبی آسراتی تیکن جان جوڑی ٹی اصلاحات اتیسہ ڈاکٹر اکے پابند کینہ ۔ خورک آسامی تیامیرٹ نا مطابق تقرری تے عمل پورو کننگک۔ او دا ہیت ءِ سے شمبے نا دے کن "" اے پی پی"" تتون ہیت گپ کرساکرے صوبائی وزیر میر عبدالماجد ابڑو پارے کہ سینیٹ الیکشن ٹی بلوچستان آن پاکستان مسلم لیگ (ن) ، پاکستان مسلم لیگ (ق) و ہم خیال جماعت اتیاتالان شش آن ہفت سینیٹر گچین کننگ ٹی سرسہب مریک۔
وزیر اعلیٰ میر عبدالقدوس بزنجو الس نا ویل آکے ایسر کننگ و صوبہ ٹی بے روز گاری ءِ چٹکفنگ کن ہنگامی بنداو گام گیچن کننگ ءِ۔ کوئٹہ تون اوار بلوچستان ٹی کھلی کچہری نا اڈتننک ءِ شاری تا ویل و مشکل آتا چٹفنگ ٹی نمایاں پیش رفت مریک ۔ دا تسلسل ءِ مونا دوروئی مریک۔ او پارے کہ بلوچستان میڈیکل کالج ٹی داخلہ ٹیسٹ نا متعلق بے ضابطہ و میرٹ نا پامالی نا متعلق چنا تا معاملہ بلوچستان ہائی کورٹ ٹی اے ہائی کورٹ ہراہم فیصلہ کک محکمہ جان جوڑی و صوبائی حکومت دا ڑا من و عن عمل داآمد کیک۔(ع ن)
