اسلام آباد(پاکستان نیوزپوائنٹ 20فروری2018ء) مزن وزیرشاہد خاقان عباسی ءَ گوں جمہوریہ آذربائیجان ءِ وزیر ءِ ھزانگ سمیر شریووف ءَ دو شمبے ءَ ادا گند ءُُ نند کت۔ آئیءَ مزن وزیر ءَ را آذربائیجان ءِ صدر ء ِ نیمگ ءَ ھاسیں کلوہ سر کت انت ایشی ءِ تہ ءَ ایکسپو 2025 ءُُ ورلڈ بینک کانفرنس 2021ءِ مراگش ءِ برجائی ءِ واستہ آذربائیجان ءِ میزبانی ءِ حمایت ءِ دزبندی کنگ بوت۔
مزن وزیر شاہد خاقان عباسی ءَ اے رد ءَ آذربائیجان ءِ میزبانی ءِ حمایت کنگ ءِ دل یکیمی دات۔ گند ءُُ نند ءَ وت مہ وتی یکوئی ءِ جتا جتائیں شوبگ ھاسیں رنگ ءَ ھاٹیگ ءُُ کشت ءُُ کشاری شوبگ ءَ کمک ءِ امیت ءُُ دو نیمگی تجارت ءَ را ودینگ ءِ کار رپک آنی سر ءَ ھیال ریچی کنگ بوت۔ آئی ءَ بھارتی مقبوضہ کشمیر ءُُ نگور نوکاراباخ ءِ استیں جاور ھال آنی سرءَ ھیال ریچی کت ءُُ اے جیڈھ آنی سرءَ یک ءِ دومیگ ءِ لیکہ آنی کمک ءَ را جاڑی دارگ ءِ جزم درشان کت۔
