اسلام آباد(پاکستان نیوزپوائنٹ 20فروری2018ء) مزن وزیرشاہد خاقان عباسی ءَ گوشت کہ کانود ءِ تہ ءَ توامیں ادارگ آنی ھد ءُُ ابیل ساڑی اِنت، ایشاناں اے ھد ءُُ ابیل ءِ تہ ءَ بوھگ ءُُ کار کنگی اِنت۔ گچین بوتگیں نماھندگ آناں آمید گس ءَ دُز ، ڈاکو ءُُ ڈُنگ گوشگ بیت۔ پارلیمنٹ ءِ جوڑ کتگیں کانود آناں پروش دیگ ءِ دھمکی دیگ بیت۔ ھرچ وھد راجدپتر ءَ چوش بوتگ گڈا ایشی ءِ تاوان ملک ءَ را بوتگ۔
سینیٹ ءِ گچین کاری ءَ ہارس ٹریڈنگ ءِ جیڈھ ایوان ءَ باست ءُُ واست کنگ بہ بیت۔ دو شمبے ءَ راجی اسمبلی ءِ تہ ءَ ھیالانی درشانی کنان ءَ مزن وزیر شاہد خاقان عباسی ءَ گوشت کہ توامیں باسک کانود ءِ دیمپانی ءِ سوگند چست کتگ، اسپیکر ءُُ من دو رند ءَ سوگند چست کتگ ما ھمے ایوان ءَ نشتگ آں آ 20کروڑ 70لکھ الس ءِ نماھندگ آں۔ آمید گس ءَ اِچبر گچین بوتگیں نماھندگ ءَ دُز، ڈاکو ءُُ ڈنگ گوشگ بیت ءُُ بر ءِ اے دھمکی دیگ بیت کہ ھما کانود کہ پارلیمنٹ ءَ جوڑ کتگ اَنت ایشاناں ھلاس کنگ بیت۔
اے اھوالتاکی گپ اَنت، دعا انت کہ ایش رد بہ بنت۔ اے ایوان ءَ ھما مردم نشتگ اَنت ایشاناں کانود جوڑ کنگ ءِ ھک نیست اِنت۔ کانود ءَ توامیں ادارگ آناں وتی ھد ءُُ ابیل است اِنت۔ ایشاناں وتی وتی ھد ءُُ ابیل ءِ تہءَ نندگ ءُُ کار کنگی اِنت۔ ھرچ وھد ءَ راجدپتر ءَ چوش بوتگ گڈا ملک ءَ را توان رستگ۔ اے جیڈھ ءِ سر ءَ ایوان ءِ تہ ءَ باست ءُُ واست الم بہ بیت۔
