کراچی(پاکستان نیوزپوائنٹ22جنوری2018ء) صدر ءِ مملکت ممنون حسین ءَ گوشت کہ کہ ماتیں وطن ءِ توکی ءُُ ڈنی چیلنجز آں گوں گر ءُ چیل بوھگ ءَ تحریک پاکستان ءِ جوزگ ءَ کار زورگ ءِ ضلورت اِنت، ھمے ھاترا راج ایمان، یکوئی ءُُ ڈسپلین ءِ جوانیں رپک آں گوں وت بدار آں۔ صدر ءِ مملکت ءَ اے گپ مزار ءِ قائد ءِ تر ءُُ تاب ءِ موہ ءَ قائداعظم مزار مینیجمنٹ بورڈ ءِ دیوان ءِ سروکی ءِ موہ ء بنداتی گال آنی تہ ءَ گوشت اَنت۔
اے موہ ءِ سر ءَ مزن وزیر ءِ مشیر برائے راجی ءُُ ادبی مڈی ڈویژن عرفان صدیقی، مئیر کراچی وسیم اختر ءُُ بورڈ ءِ ایندگہ کارندہ ھم ساڑی اتنت۔ دیوان ءَ چہ پیسر صدر ءِ مملکت ءَ مزار ءِ قئد ءِ سر ءَ پُل آنی چادر چیر گیتک ءُُ پاتیہ وانی کت۔ صدر ءِ مملکت ءَ گوشت کہ قائداعظم یک بے مٹیں مردم ءِ بوتگ آئی ءَ وتی مھکمیں جہد ءُُ کوشست ءِ گوما پکوئیں اردگ آنی سر ءَ کار کنان ء پاکستان ءِ رنگ ءَ راجدپتر ءِ اندر ءَ بے مٹیں کار ءِ کت اِت۔
آئی ءَ گوشت کہ قائداعظم کار آنی چارگ ءَ چہ آئی ءِ اِزم ءَ را گیش ھمگ بیت۔ آئی ءَ را وشی اِنت کہ مشیر مزن وزیر عرفان صدیقی ء سروکی ءَ راجی راجدپتر ءُُ ادبی مڈی ڈویژن مزار قائداعظم ءِ جوانیں نگرانی ءَ کنگ ءَ اِنت ایشی ءِ سرءَ آئی ءَ را پگر اِنت۔ آئی ءَ گوشت کہ حکومت قائداعظم ءِ ساچست آنی شنگ ءُُ تالانی ءَ توامیں آسراتی آں کارمرد بکنت۔
