اسلام آباد (پاکستان نیوزپوائنٹ19جنوری2018ء) پاک بحریہ ءِ سروک ایڈمرل ظفرمحمود عباسی ءَ گوشت کہ توکی زور آنی ابید مارا وتی توکی جیڈھ آناں دانشمندی ءَ گوں گیواری ءِ واستہ جوانی ءَ گوں دیم ءَ جنزگ ءِ ضلورت اِنت، ما یک بامردیں راجے آں ، مئے سلاھ بندیں ارد ھمک رنگ ءِ توکی ءُُ ڈنی بیم ءُُ چیلنجز آں گوں گرءُُ چیل بطوھگ ءَ سرجمی ءَ تیار انت۔ آ آدینگ ءِ روچ ءَ پاکستان نیوی ءِ ڈاکیارڈ ءَ برجم داشتگیں لاجسٹکس کمانڈ ءِ بھر ءُُ بانگی ایوارڈ ءِ ھمک سالی مراگش ءَ گشتانک دیان ءَ کت۔
بھر ءُُ بانی ایوارڈ ءِ مراگش ءَ ھمک سال ءِ برجم دارگ بیت ایشی ءِ مول ءُُ مراد لاجسٹکس کمانڈ ءِ چیر دستی ءَ کالر کنوکیں یونٹس آنی ھواریں کرد ءِ سرءَ چار ءُُ تپاسی گرگ ءُُ جتا جتائیں منصوبگ آنی سر ءَ کار ءِ برجمی ءِ کوشست آناں ساڑاھگ اِنت۔ مراگش ءَ گوں گشتانک دیان ءَ چیف آف دی نیول اسٹاف ءَ پاک بحریہ ءِ لاجسٹکس کمانڈ ءَ را وتی کزبی کار آناں وشی ءَ آسر بوھگ ءَ ساڑات۔
آئی ءَ گوشت کہ لاجسٹکس کمانڈ ءِ اے بے مٹیں یکوئی ءِ اندازگ سال 2017 ءِ ساھت ءَ پاک بحریہ ءِ بالیگ ءُُ آپ چیر جنگی آپیگ آنی دستیابی ءُُ جتا جتائیں ملک ءُُ درملکی آپی ایکسرسائز آنی تہءَ وھد ءُُ پاس ءِ سر ھوار کپگ ءِ جوانیں جنگ بیت کنت۔ ایڈمرل ظفر محمود عباسی ءَ گوشت کہ وھد ءِ ما کمک ءِ سر ءَ بار گڈا وت مستری ءِ جوزگ سرت بیت، ما دیمپانی وت مستری ءِ در جنگ ءِ واھشتیگ آں ءُُ اے رد ءَ کتگیں گامگیج مئے راجی شرپ ءِ نکان ءَ تلپچیں درور اَنت۔
ایڈمرل ظفر محمود ءَ گوشت کہ ڈنی زور ءِ بابت ءَ گوشت کہ ڈنی زور ءَ ابید مارا وتی توکی جیڈھ آنی دانشمندی ءَ گوں گیواری ءُُ ایشاناں جوانیں سسا ءِ گوما دیم ءَ برگ ءِ ضلورت اِنت۔ آئی ءَ گوشت کہ ما جوانیں شرپمندیں راجے آں ءُُ مئے سلاھ بندیں ارد ھمک رنگ ءِ ڈنی ءُُ توکی بیم ءُُ چیلنجز آں گوں گر ءُُ چیل بوھگ ءَ تیار اِنت۔ چیف آف نیول اسٹاف ءَ گیش گپ جت کہ یک نوکیں ءُُ برجمیں بحریہ نا ایوک ءَ وطن دوست آنی رکھینگ ءِ واستہ المی اِنت بلکینگ ءَ دمگی ایمنی ءُُ برجمی ءِ درور انت، پاکستان نیوری یک نوکیں ئُُمھکمیں آپی طاقت ءِ جوڑ کنگ ءِ واستہ نیول فلیٹ ءَ نوکیں جہاز آنی ھواری ءُُ ایشاناں کارآمد جوڑ کنگ ءُُ ایشانیں جوان کنگ ء ِ واستہ تکنیگکی ازم ءِ در جنگ سک باز المی اِنت ھمینکاس کہ یک مردمے ءَ را برجم بوھگ ءَ ضلوری بیت۔
اے رد ءَ پاک بحریہ ءَ وتی ازمکاری ءَ را گیش گہتر جوڑ کنگ ءِ واستہ نوکیں زمانگ ءِ ٹیکنالوجی ءِ آپیگ بالی ءُُ ہیلی کاپٹر در جتگ اَنت۔ ایشی ءَ چہ پیسر وش اتکی گشتانک ءِ تہ ءَ کمانڈر لاجسٹکس رئیر ایڈمرل ساجد وزیر خان ءَ سال 2017ءِ ساھت ءَ لاجسٹکس کمانڈ ءِ کرد ءِ کمو چمشانک پیش کت۔ ایشی ءَ پد مہمان ءِ ھاس ءَ گوستگیں سال ءِ ساھت ءَ جوانیں ازم ءُُ کرد پیش داروکیں یونٹس آناں داد بھر ءُُ بانگ کت۔
