بلوچستان اسمبلی تینا ائینی مد ءِ پوروکیک، سینٹ نا گچین کاری وخت تا مریرہ ۔ بے گناہ بندغ غاتا قتل عام ٹی ملوث عناصر ء کیفر کردار آ سرکننگک پوسکونا وزیراعلیٰ بلوچستان میر عبدالقدوس بزنجو نا صحافی تتون ہیت گپ

کوئٹہ(پاکستان نیوزپوائنٹ13جنوری2018ء) پوسکوگچین مروک آ وزیراعلیٰ بلوچستان میر عبدالقدوس بزنجوپارنے کہ بلوچستان اسمبلی تینا ائینی مد ءِ پوروکیک، سینٹ نا گچین کاری وخت تا مریرہ ۔ بے گناہ بندغ غاتا قتل عام ٹی ملوث عناصر ء کیفر کردار آ سرکننگک ۔ درملکی ساڑی ناراض بلوچ آتے قومی دھارہ ٹی پدی بننگا نن بخیرٹ پانہ۔ دا ہیت ءِ بلوچستان اسمبلی نا دیوان نا ختمی آ صحافی تتون ہیت گپ کریسہ کرے ، دا وخت آ باسکاک صوبائی اسمبلی میر امان اللہ نوتیزئی،حاجی غلام دستگیر بادینی و ایلو ہم ساڑی ائسرہ ۔

وزیر اعلیٰ بلوچستان میر عبدالقدوس بزنجو پارے کہ بے پتی نا تحریک اٹی مخ تفی کروک اا باسک آتا مشکور ہٹ ۔ مسکوہی وزیر اعلی نواب ثنا ء اللہ خان زہری نن کے قابل احترام ءِ ۔ اوتون سیاسی اختاف ئس صوبہ نا قبائلی نظام نا تینا روایات آک ءُ ۔ او پارے کہ بے گنا ہ انسان اتا خون ءِ کروک آ دہشت گرد اتتون ہچ ء رعایت ؛ئس مفک۔ وزیر اعلی ٰ پارے کہ پوسکو نا صوبائی کابینہ ٹی 14 وزیر و 4 سلاکاری اتیا تالان مروءِ۔ (ع ن)