کوئٹہ(پاکستان نیوزپوائنٹ13جنوری2018ء) اسپیکر بلوچستان اسمبلی راحیلہ حمید خان درانی نا کماشی ٹی بلوچستان اسمبلی نا خاص دیوان ٹی پاکستان مسلم لیگ (ق) نا باسک بلوچستان اسمبلی میر عبدالقدوس بزنجو 41 وونٹ ہلسہ بلوچستان اسمبلی نا پوسکو نا قائد ایوان گجین مس ۔ نواب ثناء اللہ خان زہر ی نا استعفیٰ غا ن پد ہفتہ نا دے کن قائد ایوان کن رائے شماری بلوچستان اسمبلی ٹی مس ہراٹی 54 باسکاک تینا وونٹ ءِ کاریم ٹی ایئسر ۔
میر عبدالقدوس نا مقابلہ ٹی پشتونخوامیپ نا امیت وار سید لیاقت آغا ءِ 13 وونٹ دوبس ۔ میر عبدالقدوس بزنجو پاکستان مسلم لیگ (ق ) مسلم لیگ (ن) بلوچستان نیشنل پارٹی ، بی این پی عوامی ،مجلس وحدت المسلمین و آزاد امیت وار تا مخ تفی دوئی ئس ۔ قائد ایوان نا رائے شماری کن ایوان نا اِرا درگہ مخصوص اسررہ ۔ میر عبدالقدوس بزنجو کن وونٹ باسکاک گیٹ A و سید لیاقت آغا کن گیٹ B آن داخل مسرہ ، رائے شماری نا عمل پورو مننگان پد اسپیکر بلوچستان راحیلہ دورنی پوسکونا قائد ایوان میر عبدالقدوس بزنجو نا سرسہبی نا پڑ و ءِ کرے ۔
بلوچستان اسمبلی نا ایوان نا ائین نا آرٹیکل 130 و بلوچستان اسمبلی نا قوائد 15 نا رداٹ پوسکونا قائد ایوان نا گچین کاری کریر۔ بلوچستان نا مسکوہی مخلوط حکومت اٹی اوار ، نیشنل پارٹی نا 3ارکان میر مجیب الرحمن محمد حسنی،میر خالد لانگو ،فتح محمد بلیدی و پشتونخوا ملی عوامی پارٹی نا منظور کاکڑنا ہم وونٹ میر عبدالقدوس نا حق اٹی استعمال کریے۔
ایوان آن پوسکونا قائد ایوان میر عبدالقدوس بزنجو تران کریسہ پارے کہ بلوچستان نا ویل آتے ایسر کننگ کنڈووخت ئس ٹی اسیہ بھلو چیلیج ئس ء۔ نن لس الس ءِ ریلیف فراوان کینہ ، جان جوڑی ،تعلیم #خاص وڑ اٹ گوادر ءِ دیر نا ویل ءِ ترجیحی بنداو ء ایسر کینہ ۔ میر عبدالقدوس بزنجو قائد ایوان نا گجین مننگ آن پد پاارلمانی جماعت آتا باسکاتا بشخنددارءِ ارفے۔
