کوئٹہ(پاکستان نیوزپوائنٹ13جنوری2018ء) بلوچستان صوبائی اسمبلی سیکرٹریٹ اینوہفتہ 13جنوری دے آنا 11:30 بجہ غا مروک آ بلوچستان صوبائی اسمبلی نا دیوان ءِ کارروائی ءِ خوش اسلوبی اٹ چلیفنگ کن سیکورٹی گام گیج کننگانے ۔ ہراتا رداٹ اسمبلی نا تہہ و پیشن نا حدود اٹی کانود نافذ کروک آ ادارہ غاتا چاق و چوہند کارندہ غاک تعینات مریرہ۔ ہچ ہو بندغ اسے بشمول معزز باسک اسمبلی ءِ اسمبلی نا تہٹی سلہہ اتننگ نا موکل مفروئے۔
اسمبلی دیوان ٹی بیرہ سکریڑیز صاحب ،محکمہ نا سروک اتے موکل تنگے۔ اسمبلی ہال نا درگہ غاتیا اسمبلی سیکریڑیٹ گارڈ نا کمک کن کانود نافذ کروک آ ادارہ غا تا کارندہ غاتعینات مریرہ۔دیوان نا کارروائی کن پی ٹی وی تون اوار پرنٹ و الیکٹرانک میڈیا ء براہ راست نشریات نا موکل مروئے۔ مگہ اوفتاگاڑی تون اوار محدو د عملہ نا موکل مروئے ۔ اسمبلی ہال ٹی موبائل فون دننگابالکل موکل تینپک۔
