اسلام آباد(پاکستان نیوزپوائنٹ11جنوری2018ء) وزیرجان سلامتی سائرہ افضل تارڈ ءِ چیر دستی ءَ ھُشکوئی ءِ گر ءُُ دار ءِ بابت ءَ دیوان ءِ برجم دارگ بوت، ایشی ءِ تہءَ ڈائریکٹر جنرل ہیلتھ، نیشنل کوآرڈینیٹر پویو رانا صفدر، پاک فوج ءِ نماھندگ ءُُ میاں اوستمانی ادارگ آنی نماھندگ آں بھر زوری کت۔ دیوان ءَ گشتانک دیان ءَ وزیر ءِ راجی جان سلامتی ءَ گوشت کہ ھُشکوئی ءِ جاور ھال آنی سرءَ گر ءُُ دار کنگ اے حکومت ءِ ارزشتی ایں کامیاتی اِت۔
ما حکومت ءَ آیگ ءَ پد جزم کتگ بوتگ کہ ھُشکوئی ءِ وبائی جاور ھال ءَ گوں گر ءُُ دار ءِ واستہ ھمک رنگ ءِ گامگیج کنگ بیت۔ آئی ءَ گوشت کہ سال 2017ءَ سرجمیں ملک ءَ پولیو ءِ 8کیسز دیم ءَ اتکگ ما ھما وھد ءَ تاں آرامیں دل ئے ءَ نہ ننداں تاں ایشی ءَ سرجمیں ملک ءَ چہ یک کیس ءِ دیم ءَ مہ ایت۔ وزیر ءِ جان سلامتی ءَ پند ءُُ شون کت کہ پولیو پروگرام ءِ واستہ 2019ءَ چہ 2021 ءَ تاں پی سی ون تیار کنگ بہ بیت تانکہ اے رد ءَ آسراتی آنی پُجاری دل یکیمی بہ بیت۔ آئی ءَ گوشت کہ بلوچستان ءَ پولیو ءِ بابت ءَ چیلنجز آں گوں گر ءُُ چیل بوھگ ءِ واستہ بُنجاھی حکومت صوبائی حکومت ءَ گوں شور ءُُ مشور کنت ءُُ اے رد ءَ صوبائی سروکی ءِ ھمک رنگ ءِ کمک کنگ بیت۔
