بُنجاھی وزیر توکی کار، منصوبگ بندی، دیمروئی کارپروفیسر احسن اقبال ءِ آغا خان یونیورسٹی ءِ اقتصادی چار ءُُ تپاسی رپورٹ ءِ بندات ءِ موہ ءَ گشتانک

بُنجاھی وزیر توکی کار، منصوبگ بندی، دیمروئی کارپروفیسر احسن اقبال ءِ آغا خان یونیورسٹی ءِ اقتصادی چار ءُُ تپاسی رپورٹ ءِ بندات ءِ موہ ءَ گشتانک

اسلام آباد (پاکستان نیوزپوائنٹ11جنوری2018ء) بنجاھی وزیر توکی کار، منصوبگ بندی، دیمروئی کار پروفیسر احسن اقبال ءَ گوشت کہ ناوشیں جاور ءُُ ناشرکاری ءَ ابید پاکستان دیم ءَ جنزگ ءَ اِنت، گوزوکیں سال جی ڈی پی ءِ کساس 6درسد ءَ تاں بر آں سر کناں، حکومت وانگ ءُُ زانگ ءِ شوبگ ءِ نیمگ ءَ ھاسیں دلگوشی دیگ ءَ اِنت، پاکستان 2025ءَ تاں ٹاپ 25دیمروئی کنوکیں ملک آنی لڑ ءَ ھوار کپیت۔

اے ھیالانی درشانی آئی ءَ گوستگیں روچ آغا خان یونیورسٹی ءِ اقتصادی چار ءُُ تپاسی رپورٹ ءِ بندات ءِ موہ ءَ مراگش ءَ گشتانک دیان ءَ کت۔ بُنجاھی وزیر ءَ گوشت کہ منی واستہ لائک ءِ ستا ءِ گپ اِت کہ من آغاخان یونیورسٹی ایکنومیک ایم پیکٹ پروگرام ءِ ھاسیں مہمان بہ بیت، آغا خان یونیورسٹی یک مزنیں ادارگ ءُُ نام اِت، اے رنگیں سٹڈیز چاگرد ءِ دیمروئی ءُُ معاشی برجائی ءِ واستہ سک باز المی اِنت، آغا خان یونیورسٹی ءَ را من مبارکی دیان آئی ءَ سٹڈی ءَ را سرجم کتگ، ھمک ملک ءِ واستہ ایکوسسٹم سک باز ارزشتی بیت، ھمک یونیورسٹی ءَ را وتی کرد پیلو کنگی اِنت چاگرد ءِ دیمروئی ءِ واستہ، آغا خان یونیورسٹی ءَ جوانیں رنگ ءَ وتی کرد پیش داشتگ۔

آئی ءَ گوشت کہ آغا خان یونیورسٹی ءَ نا ایوک ءَ پاکستان ءَ بلکینگ ءَ سرجمیں دُگنیا ءَ کار کتگ، یونیورسٹی ایوک ءَ وانگ ءُُ زانگ ءِ واستہ نہ بیت ریسرچ ءِ واستہ ھم بیت، آغا خان یونیورسٹی ءَ پاکستان ءَ گہتریں زانت ءُُ زانشتی رپک پیداک کنگ ءَ اِنت۔ آ ئی ءَ گوشت کہ پیسر ءَ گوشگ بوتگ کہ پاکستان یک ناشرکار یں ملک اِت، مرچی پاکستان یک ایمنیں ملک اِت ءُُ ناشرکاری ءِ واکیہ آنی تہءَ کمیگ اتکگ۔

آئی ءَ گوشت کہ پیسر ءَ گوشگ بوتگ کہ پاکستان ءَ توان نیست مرچی مئے کرّا توان ھم است، پاکستان 2025ءَ تاں دُگنیا ءِ ٹاپ 25دیمروئی کنوکیں ملک آنی لڑ ءَ ھوار کپیت۔ اے موہ ءِ سر ءَ آغا خان یونیورسٹی ءِ صدر فیض رسول ءَ گشتانک دیان ءَ گوشت کہ آغا خان یونیورسٹی پاکستان ءَ وانگ ءُُ زانگ، جان سلامتی ءُُ ایندگہ شوبگ آنی تہ ءَ گہتری آرگ ءِ واھشت ایگ انت۔ آئی ءَ گوشت کہ انوں تاں سئے لکھ ءَ چہ گیش رھشون آناں ھیل کاری پُجاری کنگ بوتگ، پاکستان ءَ جان سلامتی ءِ شوبگ ءَ پٹ ءُُ پول کنوکیں 70درسد کلانہ ایں پولکار آغا خان ءِ ادارگ ءَ گوں سیادی دار اَنت۔