کوئٹہ (پاکستان نیوزپوائنٹ 15دسمبر2017ء) صوبائی حکومت گیچن و معیاری تعلیم نا مون آ دننگ کن ترجیجی بنیادا گام کیچ کننگ اے، تعلیمی ادارہ غاتیٹی پوسکونواسراتی نا فروانی و جدید تعلیمی ماحول نا فروغ صوبائی حکومت نا اولیکو زمہ واری ءِ ، ننا چین ءِ ہم بایدے دا پوسکونا اسراتی تینا فائدہ ارفے و تینا کل ءِ چکار ءِ تعلیم آتخے۔ دا خیال آتا درشانی ءِ گورنمنٹ سینٹرل ہائی اسکول اٹی سالانہ دو د بشخ و بانٹ ٹکی تا وخت ءَ مقررین آک تران کریساکریر، دود اٹی سکول نا پرنسپل محمد عبداللہ شیخ ، حاجی محمد جلا ، حاجی لطیف ، مجید اچکزئی و ایلو ہم تران کریر ، تران کارآک پاریر کہ صوبہ نا تعلیمی ادارہ غاتیٹی چناکے جدید اسراتی تننگے و چناک حکومت نا کنڈان فراوان کروکا نصابی و غیر نصابی سرجز اتیٹی پبی وڑاٹ بشخ ہلیر۔
داڑان پد سالانہ امتحان اٹی جوانوکڑدس نا درشانی ءِ کروکا چناتیٹی ٹیکی بشخ و بانٹ کننگا ۔(ع ن)ْْْ
