محکمہ سماجی بہبور اسہ اہم ادارہ اس ءِ ہرا مختلف کہول آ راجی خذمت کننگ اہم ءُ کڑد ادا کننگے، صوبائی سلاہ کار پرنس احمد علی

کوئٹہ (پاکستان نیوزپوائنٹ 15دسمبر2017ء) صوبائی مشیرپرنس احمد علی پارنے کہ محکمہ سماجی بہبود اسہ اہم ءُ ادارہ اس ءِ ہرامختلف کہول آ راجی خذمت آٹی اہم کڑد اد ا کننگءِ ، محکمہ نا آفیسر آک و کارندہ غاک تینا فرض ءِ خذمت ءِ جذبہ اٹ ادا کیرتانکہ الس ءِ خذمت و آسراتی نا فروانی برطریق احسن انجام تننگے۔ دا خیال آتا درشانی ءِ وزیر اعلی بلو چستان ناسلاہ کارسماجی بہبود پرنس احمد علی ڈائریکٹوریٹ آف سوشل ویلفےئر نا دورہ نا موقع غا کرے ، دا وخت ءَ سیکرٹری سماجی بہبود اصغر حریفال ،صوبائی سلاہ کار محکمہ سماجی بہبود و داڑتون لچوک ادارہ ہیومن رائٹس و خصوصی تعلیم نا بابت سرجمی اٹ بریفینگ تس ، ۔

صوبائی سلاہ کار بلو چستان انسٹی ٹیوٹ آف یورالوجی(کڈنی سینٹر)نا ہم دورہ ءِ کرے ، داوخت ءَ ادارہ نا گوڑنمٹگ باڈی نا باسک آک صوبائی وزیر جان جوڑی رحمت صالح بلوچ و ایم پی اے طاہر محمود خان ہم اوڑتون اواراس ، دا وخت آ صوبائی وزیر پارے کہ ادارہ نا رداٹ بارگردوں نا پیوندکاری نا سرسہب اٹ آپریشن کننگا ہراڑان 10 مریض شفاارفینو۔ دا موقع غا صوبائی سلاہ کار ءِ ادارہ نا درپیش ویل آتیان ہم معلومدار کننگا۔ صوبائی سلاہ کار دا بابت تینا ہر کمک نا یخن تریفے۔