اسلام آباد(پاکستان نیوز پوائنٹ 02 ستمبر 2016ء) صدر مملکت ممنون حسین مردان نا ضلعی عدالت اٹی بمب دھماکہ نا ترندی اٹ مذمت ءِ کرسا دا المناک واقعہ ٹی قیمتی جان تا زیان آ ڈکھ و غم نا درشانی ءِ کرینے۔ صدر پدسلوک آ خاہوت آتون ہڑزخواہی کرسادعا کرے کہ اللہ تعالیٰ ایماندار آتے جنت الفردوس اٹی جاگہ ایتے و پدسلوک آتے داصدمہ ءِ برداشت کننگ نا حوصلہ عطاء فرمائفے۔
صدر تعلقدار کمامدار آتے پارت کرے کہ واقعہ ٹی ٹھپی مروک آ بندغ آتے گچین طبی آسراتی فراوان کننگے۔ او داعزم انا اعادہ ءِ کرے کہ دہشت گرد آک تینا ہندا عزم انا کمک اٹ دہشت گردی نا برخلاف آپریشن اٹی اڑاند ودی کننگ کپسہ و نہ ہی الس نا عزم ءِ لڑزفنگ کیرہ۔ اوداہیت انا ہم اعادہ ءِ کرے کہ مچ آ قوم لمہ وطن آن دہشت گردی و انتہاء پسندی نالعنت ءِ ماس آن کشنگ کن پرعزم ءِ۔
