کو ئٹہ(پاکستان نیوزپوائنٹ22نومبر2017ء) پاکستان مسلم لیگ (ن)ءِ سروک ءُُ صوبائی وزیر میر اظہار کھوسو ءَ گوشت کہ پاک چائنا اقتصادی راہداری منصوبگ ءِ سرجمی ءَ چہ بلوچستان ءَ روزگار ءِ نوکیں موہ آں ھوار صوبگ ءِ اُلس آنی وشھالی ءِ نوکیں زمانگ ءِ بندات بیت، نصیرآباد ، صحبت پورءِ دیمروئی ءُُ وشھالی ءِ ھاترا شپ ءُُ روچ توامیں آسرارتی آں کارمرد کنگ ءَ آں، حکومت بے روزگاری ءِ تہ ءَ کمیگ آرگ ءِ واستہ ھمک رنگ ءِ گامگیج کنگ ءَ دل یکیمی جوڑ کنگ ءَ انت، صوبگ ءِ جتا جتائیں مھکمی آنی تہءَ توامیں ھورکیں ءُُُ نوکیں نوکری آنی پُر کنگ ءِ واستہ سر وزیر بلوچستان نواب ثناء اللہ خان زہری ءَ کردی رنگ ءَ سیادی داروکیں سیکرٹریز آناں آرڈر جاڑی کتگ اَنت، اے گپ آئی ءَ چار شمبئے ءِ روچ ءَ ”اے پی پی“ ءَ گوں گپ ءُُ تران کنان ءَ گوشت، آئی ءَ گوشت کہ ورنا آناں زانشت ءِ نبیات ءَ میرٹ ءِ پد ءَ نوکری دیگ بیت۔
آئی ءَ گوشت کہ دمگ ءِ جوڑیشت ءُُ دیمروئی ءُُ صوبگ ءِ اُلس ءِ وشھالی ءِ ھاترا گامگیج کنگ بوھگ ءَ اِنت، مسلم لیگ (ن) ءِ بُنجاھی ءُُ صوبائی حکومت ءَ دیمروئیءُُ اُلس ءِ وشھالی ءِ واستہ ڈسٹرکٹ ڈویلپمنٹ پروگرام بندات کنگ بوتگ ایش اُلس ءِ واستہ گواچنی بزانت ءَ دیمروئی ءُُ ایشانی جیڈھ آنی گیواری ءَ جوان سہرا بوتگ اَنت۔ آئی ءَ گوشت کہ مسلم لیگ (ن) 5سالی حکومت ءَ ایمنی ءِ پڑ ءَ جوانیں گہتری اتکگ۔
