اسلام آباد(پاکستان نیوزپوائنٹ21نومبر2017ء) ملکءِ صدر ممنون حسین ءِ نیشنل کمیشن برائے ہیومن ڈویلپمنٹ ءِ سالی رپورٹ 2016پیش نودربرانی کساسءِ تہا گیشی ءَ ھوار راھ دربرانی زانتکاری ءِ تہا گیشی کنگ بہ بیت، صدر ممنون حسین ءِ این سی ایچ ڈیء ِ چیئرپرسن رزینہ عالم ءَ گوں گپء ُ تران کتگء ُ گشتگ کہ وانگء ُ زانگ ءَ ھوار بازیں ہنرءِ بلدکنگءَ چہ ناوانندگیں مردماناں ر وزگارءِ پھجاری ءَ کمک رسیت۔
آئیءَ گشتگ کہ اے گپ نیشنل کمیشن برائے ہیومن ڈویلپمنٹ ءِ چیئرپرسن رزینہ عالم ءَ گوں سئے شمبے ءِ روچءَ ایوان صدر ءَ گپء ُتران کنانءَ کتگ۔ صدرءَ را نیشنل کمیشن برائے ہیومن ڈویلپمنٹ ء ِ سالانہ رپورٹ 2016ءِ رپورٹ پیش کتگ۔ اے موھءَ وانگء ُ زانگء ُ کسبی تربیتءِ بنجاھی وزیر انجینئر محمد بلیغ الرحمن ء ُ دگہ حکام ھم ساڑی بوتگ اَنت۔ ملکءِ صدر ءَ کمیشن ءِ چیردستی ءَ وانگء ُ زانگءِ بازیں ہنر بلد کنگءِ پروگرام آنی توسیپ کتگء ُ گشتگ کہ ایشیءَ چہ ناوانندگیں مردماناں وانگء ُ زانگءَ ھوا روزگار ھم رسیت۔
وانگء ُ زانگء ُ کسبی تریتءِ بنجاھی وزیر انجینئر محمد بلیغ الرحمن ءَ صدر ءَ را ھال داتگ کہ ملک ءِ تہا ہزارانی کساسءَ لٹریسی سینٹر فعال کنگ بوتگ اَنت۔ صدر ممون حسین ءَ کمیشن ءِ انتظامیہ ءِ سوبمندی ءِ ھاترءَ نیکیں واھشتانی درشانی کتگء ُ آئیءَ را کمک ءِ اوست داتگ۔
