اسلام آباد(پاکستان نیوزپوائنٹ21نومبر2017ء) ماحولیاتی مٹء ُ بدلی ءِ بنجاھی وزیر سینیٹر مشاہد اللہ خانءَ گشتگ کہ پاکستان مسلم لیگ(ن) ءِ حکومتءَ چار سالی دورءِ تہا جوانیں سوبمندی ھاصل کتگ۔ آئیءَ اے گپ امریکہ ءِ تہا پاکستان مسلم لیگ(ن) یو ایس ءِ عہدگ دارء ُ کارکن آنی گوما گند ء ُ نند کنگءِ وھدءَ گشتگ۔ انوگیں حکومت ءِ سوبمندی آنی زکر کتگء ُ مشاہد اللہ ءَ گشتگ کہ پاکستان مسلم لیگ(ن) ءَ ملک ءِ تہا ناشرکاریءِ ھلاسی ءِ سوگند پیلو کتگء ُ توانائی ءِ پدمنتگی ءِ ھلاسی مئے منشور ءِ تہا ھوار بوتگ، انوگیں حکومت ءَ توانائی ءِ کمی ءَ را گرء ُ دار کنگءِ ھاترءَ بازیں منصوبہ بندات کتگ کہ ایشانی تہا بازیں سرجم کنگ بوتگ ء ُ بازینے سرجم کنگ بوھگءَ اِنت۔
دیوانءِ تہا پاکستان مسلم لیگ(ن) امریکہ ءِ صدر روحیل ڈار، جنرل سیکرٹری رانا سعید ، سیکرٹری مالیات انور شاہ واسطی ، یوتھ ونگءِ صدر ملک خرم احمد ء ُ دگہ مردم ھوار بوتگ اَنت۔
