اسلام آباد(پاکستان نیوزپوائنٹ15نومبر2017ء) الیکشن کمیشن تحریک انصاف نا سروک عمران خان نا برخلاف گچین کاری ضابطہ اخلاق نا خلاف ورزری نا کیس انا سماعت ءِ 4دسمبر اسکان ملتوی کرے۔ چارشنبے نادے الیکشن کمشنر جسٹس (ر) سردار محمد رضا نا سرکڑدہ ہی ٹی بنچ عمران خان نا برخلاف جہلم و ساہیوال اٹی گچین کاری مہم اٹی بشخ ہلسا گچین کاری ضابطہ اخلاق نا خلاف ورزی نا بابت درخواست دائر نا سماعت ءِ کرے۔
الیکشن کمیشن نا کنڈآن اونا وکیل شاہد گوندل پیش مس ہراکمیشن ءِ پارے کہ ضابطہ اخلاق نا بابت کیس اسلام آباد ہائی کورٹ اٹی زیر سماعت ءِ ہرااونا تاریخ ءِ 29 نومبر مقرر کرینے۔ چیف الیکشن کمشنر جسٹس (ر) سردار محمد رضا ریمارکس ترسا پارے کہ گچین کاری ضابطہ اخلاق سیاسی جماعت آتا سلابت اٹ جوڑ مریک ، عدالت آتا تاریخ نا سوب ننے ہم بیرہ تاریخ تروئی تمک۔ اوسوج کرے کہ انت دا ضابطہ اخلاق ءِ چٹفنگے۔ اوپی ٹی آئی نا وکیل تون پارے کہ او اسلام آباد ہائی کورٹ نا پرمان ءِ نشان ایتے ہراٹی او مستی کارروائی آن ننے تورینے۔ الیکشن کمیشن ءِ کارروائی ءِ توننگ کن ہچ ءُ پرمان اس ملتنے۔ اوکان گڈ اوکیس انا سماعت ءِ 4دسمبر اسکان پد بٹے۔
