قومی اسمبلی نا دیوان (اینو) بیگہ نامریک، پوسکن آ حلقہ بندی تے کن آئینی ترمیم آ سجفنگک

قومی اسمبلی نا دیوان (اینو) بیگہ نامریک، پوسکن آ حلقہ بندی تے کن آئینی ترمیم آ سجفنگک

اسلام آباد(پاکستان نیوزپوائنٹ15نومبر2017ء) قومی اسمبلی نا دیوان (اینو) پنچ شنبے آ بیگہ نا 4بجہ غا پارلیمنٹ ہاؤس اٹی مریک۔ دیوان اسپیکر قومی اسمبلی سردار ایاز صادق نا کماشی ٹی مریک۔ دیوان اٹی پوسکن آ حلقہ بندی تے کن آئینی ترمیم آ سجفنگک۔ دیوان اٹی (اینو) وقفہ سوج آک مفسہ، انتئے کہ اسہ دیوان آن ایلو دیوان نا نیام اٹ 15دے آن کم وقفہ مننگ آ وقفہ سوج آتے ہلنگپک۔

داکان مست قومی اسمبلی نا دیوان ہندا تُو 2نومبر آ بٹنگ انگاسس ہراٹی پوسکن آ حلقہ بندی تا بابت آئینی ترمیم مروئی ئس و غٹ سیاسی جماعت آتیٹی اسپیکر نا کماشی ٹی دیوان اٹی امنا مسوسس ولے پیپلزپارٹی نا کنڈآن بل پیش کننگ آ دانا مخالفت ءِ کرسا دادے اسیجائی مفادات کونسل اٹی دننگ نا سلاہ تس ہراڑآ اسپیکر غٹ پارلیمانی راہشون تے اسہ وار ولدا سلابت کن بٹنگا ولے اسہ وار ولدا منا مننگ کتو ہراڑآ دیوان ءِ 6نومبر آ بے مدوخت اکن ملتوی کریسس۔ دیوان آن مست ہاؤس بزنس ایڈوائزری کمیٹی نا دیوان اسپیکر نا کماشی ٹی مریک ہراٹی دیوان نا ایجنڈا و مدانا تعین ءِ کننگک۔