اسلام آباد(پاکستان نیوزپوائنٹ14نومبر2017ء) آزاد جموں وکشمیر نا سینئر وزیر چوہدری طارق فاروق سے شنبے نادے داڑے بنجائی وزری امور کشمیرو گلگت بلتستان چوہدری محمد برجیس طاہر تون اوڑدہی کرے۔ اوڑدہی ٹی مقبوضہ کشمیر نا حالیت آتیان بیدس آزاد کشمیر اٹی جاری شونداری ڈٹ و پالیسی تا بابت ہیت وگپ کننگا۔ داوخت آ بنجائی وزیر مقبوضہ کشمیر اٹی بھارتی فوج انا کنڈآن انسانی حق انا شدید پامالی نا مذمت ءِ کرسا پارے کہ بھارت ظلم و بیدادی اٹ کشمیری تے حق خودارادیت نا جہد آن دستبردار کننگ کپک و داکہ کشمیری بھارت نا ہروڑکننگ نا باوجود حق خودارادیت نا پیدائشی حق ءِ ہلیرہ ۔
اوپارے کہ حکومت پاکستان مچ آ دنیا ٹی کشمیری تا حق انا توار ءِ پرزور وڑاٹ بڑز کننگ ءِ و دارداٹ جہانی ضمیر ءِ بش کننگ کن ہر جہانی فورم آ متحرک سفارتکاری کننگ انگ ءِ۔ آزاد کشمیر نا سینئر وزیر کشمیر نا ویل و مقبوضہ کشمیر نا کشمیری تا توار دنیا ٹی پرزور وڑاٹ بڑز کننگ آ بنجائی حکومت نا منت واری ءِ ہرفسا پارے کہ مقبوضہ کشمیر نا ایلم تیان بیدس ایل او سی آ رہینگوک آ آزاد کشمیر نا الس ہم بھارتی بیدادی و بے خار سم کاری نا بھاز حوصلہ و عزم اتون مقابلہ ءِ کننگ ءُ۔
