چیف الیکشن کمشنر نا بدین اٹی چیئرمین و وائس چیئرمین نا گچین کاری نا وخت آ ناخوشگوار حالیت آتیان بچنگ کن سندھ پولیس ءِ سیکورٹی نا جامع بست و بند کننگ نا پارت

اسلام آباد(پاکستان نیوز پوائنٹ 25اگست 2016ء) چیف الیکشن کمشنر سردار رضاخان سندھ پولیس ءِ ضلع بدین اٹی چیئرمین و وائس چیئرمین نا گچین کاری نا وخت آ ناخوشگوار حالیت آتیان بچنگ کن سیکورٹی ناجامع بست و بند آتا پارت کرینے۔ پنچ شنبے آ برجاء کروک آ نوٹیفکیشن نا رداٹ سندھ پولیس ءِ پارت کننگانے کہ او آزادانہ ، منصفانہ و شفاف گچین کاری تا اڈ تننگ ءِ باوری جوڑ کننگ کن پولنگ اسٹیشن آتیا پولیس نا مناسب نفری تعینات کے۔ ڈسٹرکٹ ریٹرننگ آفیسر، ریٹرننگ آفیسرز چیف الیکشن کمشنر ءِ آگاہ کریسس کہ ہندی پولیس پولنگ اسٹیشن آتیٹی سیکورٹی فراوان کننگ آن انکار کرینے ۔