اسلام آباد ۔ 25 اگست (اے پی پی) چیئرمین پاکستان پیپلز پارٹی بلاول بھٹو زرداری صوبہ سندھ اٹی بلدیاتی گچین کاری تیٹی کلین سویپ کننگ آ پاکستان پیپلز پارٹی نا پوسکن گچین مروک آ میئرز، ڈپٹی میئرز، چیئرمین و وائس چیئرمین آتے مبارکبادی تسنے و اوفتے آ زورشاغا نے کہ او خلقت آتے غٹ شاری آسراتی اوفتا درگہ غا فراوان کننگ کن گام ہرفیرہ۔ پارٹی سیکرٹریٹ آن برجاء بیان نا رداٹ بلاول بھٹو زرداری اسہ کلہو اسے ٹی پارینے کہ سندھ انا الس اوفتے آ پت کرینے و ہندی کہول آ نظم و نسق نا بھلو مینڈیٹ اس تسنو۔
اوپارے کہ پوسکن گچین مروک آ باسک آک تینا ہندن ءُ گچین کارکڑد پیش کیر ہراڑآن داثابت مرے کہ پاکستان پیپلز پارٹی و الس اوفتے گچین کرسا درست فیصلہ کرینے۔ اوپارے کہ پاکستان پیپلزپارٹی ءِ اقلیت آتے سندھ کابینہ تون اوار ساڑی آ بلدیاتی گچین کاری تیٹی چیئرمین و نیاڑی تا نشست آتیا اولیکو وار نمائندگی تننگ آ فخر ءِ۔
