اسلام آباد(پاکستان نیوز پوائنٹ 24اگست 2016ء) بنجائی وزیر دفاعی پیداوار رانا تنویر حسین رومانیہ نا وزیر خارجہ لازرکمیونس تون اوڑدہی کرے ہراٹی تین پہ تینی است خواہی نا معاملہ ، واپار، زرکاری و ہڑتوم آ کنڈآتا دفاعی کمک نا معاملہ غاک زیر غور بسر۔ ہڑتوم آ ملک آک دا بشخ آتیٹی کمکاری ءِ پین ودفنگ آ اتفاق کرینو، ہڑتو م آ ملک آک داہیت آ زورشاغار کہ آئل ، گیس ، دفاعی کمکاری تون اوار ایلو بشخ آتیٹی اسہ ایلو نا آزموندہ غاتیان استفادہ کننگے۔
بنجائی وزیر رانا تنویر حسین پارے کہ پاکستان رومانیہ تون تینا دوستانہ تعلقداری تے بھاز اہمیت ایتک و پدریسہ بڑزکو کہولی ڈل انا درشان آتا گرج آ زورشاغا۔ رومانیہ نا وزیر خارجہ دہشت گردی نا برخلاف پاکستان نا کوشست آتا ستاءِ کرے و ہڑتوم آ ملک آتا نیام اٹ تین پہ تینی است خواہی نا معاملہ غاتا بارواٹی معاہدہ غاتیا روشنی شاغا۔ بنجائی وزیر رانا تنویر حسین پنچ دے ئی سرکاری دورہ غا رومانیہ ٹی ءِ۔
