کوئٹہ(پاکستان نیوز پوائنٹ 24اگست 2016ء) بنجاہی وزیر سیم سری ءُُ ریاستی امور لیفٹیننٹ جنرل ( ر) عبدالقادر بلوچءَ گشتگ انت کہ پاک چین اقتصادی راہداری منصوبہ ءِ گیٹ وے گوادر ءَ یک ارب کلدار ءِ زر ءَ گوادر ءِ ورنا آں نوکیں جیڑھ آں مقابلہ کنگ ءَ فنی ءُُ پیشہ وارانہ وانینگ ءِ ھاتر ءَ پاک چین ٹیکنیکل ووکیشنل انسٹیٹیوٹ جوڑ کنگ ءَ انت چوشکہ اُلس ءَ جان سلامتی ءِ شریں آسراتی دئیگ ءِ ھاترءَ گوادر ءَ شش ارب کلدار ءِ لاگت ءَ 50بستر ءِ ہسپتال ءَ 300بستر ءَ اپ گریڈ کنگ ءِ منصوبہ ءِ سرا عمل برجاہ انت اے گپ آئی ءَ ایسوسی ایٹڈ پریس آف پاکستان ءِ گوں یک ھاسیں انٹرویو ءَ گشتگ، بنجاہی وزیر سیم سری ءُُ ریاستی امور لیفٹیننٹ جنرل(ر) عبدالقادر بلوچءَ گشتگ کہ 46ارب ڈالر ءِ پاک چین اقتصادی راہداری منصوبہ پاکستان ءِ رژن باندات انت آئی ءَ پورا وڑ ءَ پائدگ گرگ ءِ ھاتر ءَ حکومت ءَ سرجمیں شور بندی کرتگ انت تنکہ منصوبہ راہداری منصوبہ ءِ درستیں موہ ءَ پورا وڑ ءَ پائدگ زورگ ءَ معیشت ءِ محکمی ءِ گوں ھواری ءَ اُلس ءِ معیار زند برز بہ بیت ءُُ دیمروی ءِ عمل ءَ اُلس ءَ شریدار جوڑ کرت بہ کن انت۔
آئی ءَ گشتگ کہ گوادرشہر ءِ دیمروی کار ءُُ بنیاتی انفراسٹرکچر ءِ جوڑ کنگ گوادر ءَ ایکسپورٹ پراسسنگ زون اتھارٹی ءُُ گوادر انڈسٹریل اسٹیٹ ڈویلپمنٹ اتھارٹی جوڑ کنگ ءِ ھوالہ ءَ 3.45ارب کلدارے ءِ زر جنئگ ءَ انت ءُُ گوادر آپ ءِ کمی ءِ جاورال ءِ سرا دست گرگ ءِ ھاتر ءَ واٹر ٹریٹمنٹ پلانٹ جنئگ ءَ ابید آپ ءِ دومی منصوبہ آنی ھاتر ءَ 12ارب کلدار ایر کرتگ انت چوشکہ بجاہی حکومت ءِ کمک ءَ گوادر ءَ سرمایہ کاری ءِ دیمروی ءِ ھاتر ءَ ٹیکسز ءُُ ڈیونٹیز ءِ سرا یل دئیگ چشیں گام گیج ءَ در ملکی سرمایہ کار بلوچستان ھاس کن گوادر ءَ آھگ ءَ سرجمیں وڑ ءَ سرمایہ کاری بہ کن انت۔
بنجاہی وزیر عبدالقادر بلوچ ءَ گشتگ کہ اُلسی جمہوری چین پاکستان ءِ با اعتماد ہمساھگ ملک انت دوئیں ملک آنی نیام ءَ یکجا اسٹریٹجک معاشی دود ءُُ ربیدگی ءُُ چاگردی سیادی دہائی آں ھست انت ءُُ پاک چین دوستی ہر آزمائشت ءُُ چکاس ءِ سرا پورا کیت انت ءُُ ہر آؤکیں روچ ءَ دوئیں برات ملک ااں زیات ہم بوھگ ءَ انت۔
