اسلام آباد(پاکستان نیوز پوائنٹ 23اگست 2016ء) بنجائی وزیر داخلہ چوہدری نثارعلی خان برطانوی بڑزکو کمامدار آتون رابطہ کرے و الطاف حسین نا تدوک آ دے نا پاکستان مخالف تقریر و مچی ءِ ہنگامہ آرائی آ بھڑکائفنگ نا واقعہ نا بابت آن درشانِ خیال کرے۔ ترجمان وزارت داخلہ نا رداٹ برطانوی کمامدار آتون ہیت وگپ کرسا وزیر داخلہ چوہدری نثارعلی خان پارے کہ کس اسے نا برطانوی گل زمینءِ کاریم اٹ ہتسا پاکستان نا سالمیت و امن نا برخلاف گام بے کچ قابل مذمت ءِ۔
اوپارے کہ پاکستان و پاکستانی ادارہ غاتا برخلاف ہرزہ سرائی کرسا الطاف حسین نہ صرف مچ آقوم و خاص کر اردو پاروک آالس نا است آزاری ءِ کرینے بلکن سنگین ڈوہ انا ارتکاب ءِ کرینے۔ اوپارے کہ حکومت برطانیہ دننگا سنگین ڈوہ اٹی اوڑدہ بندغ ءِ کانود نا دنگ اٹی ہتنگ کن کمک کے۔
