بنجائی وزیر داخلہ چوہدری نثارعلی خان نا ڈی جی رینجرز تون ٹیلی فون آرابطہ سندھ خاص کر کراچی ٹی حالیت آتے پرامن تخنگ آ رینجرز و پولیس نا کارکڑد نا ستاء

اسلام آباد(پاکستان نیوز پوائنٹ 23اگست 2016ء) بنجائی وزیر داخلہ چوہدری نثارعلی خان ڈی جی رینجرز تون فون آ رابطہ کرے و سندھ خاص کر کراچی ٹی حالیت آتے پرامن تخنگ آ رینجرز و پولیس نا کارکڑد نا ستاءِ کرے۔ ترجمان وزارت داخلہ نا رداٹ وزیر داخلہ چوہدری نثارعلی خان ڈی جی رینجرز تون ٹیلی فون آ ہیت وگپ کرسا پارت کرے کہ کراچی ٹی غٹ میڈیا ہاؤسز آتا سیکورٹی ءِ باوری جوڑ کننگے ہراٹی پولیس تون اوار اوار رینجرز نا کمک ہم بایدے اوڑدہ مرے۔ وزیر داخلہ کراچی و سندھ انا جمی امن و عامہ نا حالیت آتیا است جمی نا درشانی ءِ کرے و ڈی جی رینجرز ءِ پارت کرے کہ داہیت ءِ باوری جوڑ کننگے کہ اسہ شرپسند اس ہم کانود نا گرفت آن بچپ و کسس پرامن شاری اسے ہراساں کننگ کپ۔