جشن آجوئی نا دودآتاتیاریک کاٹم آ ، مچ آبلوچستان اٹی ریلی و دود آتا اڈتننگ، قلات،خضدار،کوہلو،نوشکی ،گوادرو ژوب اٹی جشن آجوئی نا بابت ریلی تا اڈ تننگ ، سکیورٹی نا سخت ءُ رکھی بندو بست

کوئٹہ(پاکستان نیوزپوائنٹ12اگست2017ء) جشن آجوئی نا دود آتا تیاریک کاٹم آ ، مچ آ بلوچستان اٹی ریلی و دود آتا بست و بند ، ہفتہ نا دے قلات ،خضدار، کوہلو، نوشکی ،گوادر و ژوب اٹی جشن آجوئی نا بابت ریلی اڈتننگا ، ریلی ٹی بشخ ہلوک آک پلہ کارڈ و لمہ وطن نا بیرک ءِ ہرفیسر،ہراک چندی شاہراہ تیان مرسا پاکستان نا حق اٹی نعرہ خلکرہ ،ریلی نا وخت آ سیکورٹی نا سخت بست و بند کننگاسس ، پولیس ،لیویز وفرنٹیئر کورانا بھلو نفری اس تعینات کننگاسس تانکہ ناخوشگوار واقعہ غاتون بروخت مون تننگ کن گام گیج کننگ مرے ۔

صوبائی دارلحکومت کوئٹہ ٹی جا گہ جاگہ غا بیرک و بیج سودا کننگ انگ اٹی ءِ ،سکول ،کالج و یونیورسٹی تیٹی دود آتا بست و بند جاری ءِ، ہراٹی چناک وطن عزیز نا 70 می جشن آجوئی نا بابت تینا خیال آتا درشانی ءِ کننگ اٹی ءُ و دا عزم انا درشانی ءِ کننگ ءُ کہ وطن عزیز کن ہروڑنا قربانی ایتنہ۔