مسکوہی وزیر اعظم محمد نواز شریف پارینے کہ پاکستان نا 20 کروڑ الس اونااصل مالک آک ءُ ، گڑاس بندغ پاکستان نا مالک مننگ کپسہ، کنا برخلاف اسہ ٹکاسے نا کرپشن ، نغڑد و ہیرا پھیری نا ہچ ءُ ثبوت اس اف مسکوہی وزیر اعظم محمد نواز شریف نا مرید کے اٹی کارندہ غاتیان تران

مسکوہی وزیر اعظم محمد نواز شریف پارینے کہ پاکستان نا 20 کروڑ الس اونااصل مالک آک ءُ ، گڑاس بندغ پاکستان نا مالک مننگ کپسہ، کنا برخلاف اسہ ٹکاسے نا کرپشن ، نغڑد و ہیرا پھیری نا ہچ ءُ ثبوت اس اف مسکوہی وزیر اعظم محمد نواز شریف نا مرید کے اٹی کارندہ غاتیان تران

مریدکے(پاکستان نیوزپوائنٹ12اگست2017ء) مسکوہی وزیر اعظم محمد نواز شریف پارینے کہ پاکستان نا 20 کروڑ الس اونااصل مالک آک ءُ ، گڑاس بندغ پاکستان نا مالک مننگ کپسہ، کنا برخلاف اسہ ٹکاسے نا کرپشن ، نغڑد و ہیرا پھیری نا ہچ ءُ ثبوت اس اف ۔ الس نواز شریف ءِ وزیر اعظم جوڑ کرسا اسلام آباد آ گدریفیرتو کشا پین اسٹ اس۔ اگہ نواز شریف کرپشن اس کروسس تو خف تیٹی ہلسا اودے پیشن کشوسر وکنا خنک ہم شرم آن بڑزا متوسہ ، او ہفتہ نا دے کہ مرید کے آ سرمننگ آ بیا بخیر کروک آ کارندہ غا تیا تران کریکہ۔

دا وخت آبنجائی وزیر خواجہ آصف ، رانا تنویر ، رانا افضال تون اوار ایلو لیگی راہشون آک ہم ساڑی ئسرہ ۔محمد نواز شریف پارے کہ انت باوہ ہم مار آن تنخواہ ہلیک ، دا ہیت آوزیر اعظم ءِ کشنگک ، دا نظام ءِ بدلینگوئی مریک، او پارے کہ نن و دے نماخذمت ءِ کریٹہ ،بجلی مست آ ن گچین مسنے ، سڑک آک جوڑ مننگ اٹی ئسرہ ، بلوچستان شون ہلککہ ،، سی پیک پاکستان اٹی جوڑ مننگ ئس، ورنا تے روزگار ملنگ بناء کریسس ، بروک آ ارا مسہ سال اٹی پاکستان آن بیروزگاری چٹاکہ ، غٹ ءِ عزت نا ارغ اس ملاکہ ، نواز شریف پارے کہ ملک اٹی انقلاب مرے یا مفئے ؟ انت نم انقلاب کن تیار اورے ،اوپارے کہ ملک ءِ شونداری نا بڑزی تیا درینہ و کنا وعدہ ءِ پاکستان شونداری نا بڑزی تاکاہک ولے داڑکن انقلاب اس اتوئی ءِ۔

تینا تران اٹی مسکوہی وزیر اعظم کارندہ غاتے تینا وفاداری نا ہم پبی باوری ترفے و پارے کہ نواز شریف نما قدم تون قدم ءِ تخساکاہک ،نواز شریف وخت اس ہم دروتفک ،مدام وفا کیک ، مرید کے والاک ، دا جوزہ واقعی انقلاب و بدلی اس اتیک ، دا متوتو دنیا ٹی ہچ کس ننا شرف ءِ کپروئے ،نواز شریف پارے کہ کنے اومیت ءِ مرید کے نا الس حق و سچائی تون تفرہ۔