وزیر داخلہ پروفیسر احسن اقبال تون امریکی سفیر ڈیوڈ ہیل نا وڑدہی

اسلام آباد(پاکستان نیوزپوائنٹ 10اگست 2017ء) وزیر داخلہ پروفیسر احسن اقبال تون امریکی سفیر ڈیوڈ ہیل اوڑدہی کرے۔ اوڑدہی ٹی ہڑتوم آ ملک آتا نیام اٹ تین پہ تینی تعلقداری تیا شرہ مس۔ داوخت آ امریکہ نا چوٹی نا یونیورسٹی تیٹی پاکستانی طالب علم آتے کن وارخواہی تے پین گچین جوڑ کننگ آ اتفاق کننگا، امریکی سفیر دہشت گردی نا برخلاف پاکستان نا سیکورٹی ادارہ غاتا تربیتی پروگرام تے کن کمکاری نا پیش کش کرے۔ وزیر داخلہ پارے کہ پاکستان آن دہشت گردی و انتہاء پسندی نا چٹفنگ کن نیشنل ایکشن پروگرام سرسہبی اٹ برجاءِ۔ اوپارے کہ پاکستان ڈیہہ ٹی امن نا خواہندار ءِ تانکہ الس شونہالی زند اس تدیفنگ کے۔