صدر مملکت ممنون حسین نا ڈاکٹر رتھ فاؤ نا کزیت آ ہڑزخواہی نا درشان

اسلام آباد(پاکستان نیوزپوائنٹ 10اگست 2017ء) صدر مملکت ممنون حسین ڈاکٹر رتھ فاؤ نا کزیت آ ہڑزخواہی نا درشانی ءِ کرینے۔ پنچ شنبے ناد ے ایوان صدر آن جاری اسہ بیان اسے ٹی اوڈاکٹر رتھ فاؤ نا خذمت آتا ستاءِ کرسا پارے کہ ڈاکٹر رتھ جزام نا چٹفنگ کن ناقابل فراموش خذمت سرانجام تسنے۔ صدر مملکت پارے کہ ڈاکٹر رتھ انسانیت نا شرحالی کن تینا وطن ءِ ہلسا پاکستان ءِ تینا وطن جوڑ کرے ۔ پاکستانی قوم داعظیم انگا خذمت کن ڈاکٹر رتھ فاؤ نا خذمت آتے سلام پیش کیک۔ اوپارے کہ ڈاکٹر رتھ انا اڈ تروک خذمت نا عظیم روایت ءِ برقرار تخنگک و اونا خذمت آتے ہمیشہ یات تخنگک۔ صدر مملکت پارے کہ ڈاکٹر رتھ فاؤ نا دوٹی شفا ء خنوک آ لکھ آ مریض آک اونا ابدی زند اکن دعاگوءُ۔