چمن (پاکستان نیوز پوائنٹ 18اگست 2016ء) بلوچستان نا سیمی شار چمن اٹی بلوچستان اٹی پدریسہ بھارتی نیام تمنگ ، بے چیٹی تالان کننگ و بھارتی وزیراعظم نریندر مودی نا بلوچستان نا بارواٹی تروک آ متنازعہ بیان نا برخلاف چمن نا قبائلی الس برانز کریر۔ پاک اوغان سیم آ دھرنہ، مودی نا پتلاءِ ہشسا خاخر تسر، سرجم احوال آتارداٹ پنچ شنبے آ چمن نا ہندی قبائل نا کنڈآن بھارت نا برخلاف اسہ بھلو برانزی ریلی اس کشنگا۔
برانزی ریلی چمن شار آن شروع مس ہرا شار انا جتا کسر تیان مرسا پاک اوغان سیم زیروپوائنٹ باب دوستی آ سرمس ہراڑے برانز و بھارت نا برخلاف شدیدنعرہ بازی کننگا۔ برانز نا وخت آ مچی کروک آک بھارتی وزیراعظم نریندر مودی نا علامتی جنازہ ءِ کشار و اونا پتلا و بھارتی بیرک ءِ ہم خاخر تسر۔ برانزی مچی کروک آک بھارتی وزیراعظم نریندر مودی نا عکس ءِ ہم ہشار، داوخت آ بھارت نا برخلاف برانز کروک آ ہندی قبیلہ غاک پاریر کہ نن بلوچستان اٹی بھارتی نیام تمنگ نا سخت لوز آتیٹی مذمت ءِ کینہ۔ بھارت اٹی تینٹ بھارت مخالف تحریک چلینگ انگ ءِ و بھارت ٹکر ٹکر مننگ والا ءِ۔
