ڈیرہ مراد جمالی (پاکستان نیوز پوائنٹ 18اگست 2016ء) بلوچستان اٹی نیام تمنگ و کشمیر اٹی ظلم انا برخلاف کھوسہ اتحاد نا کال آ ڈیرہ مراد جمالی ٹی برانزی ریلی کشنگا پریس کلب نا مون آ مچی و مودی نا پتلا و بھارتی بیرک ءِ خاخر تننگا۔ سرجم احوال آتا رداٹ پنچ شنبے آ ڈیرہ مراد جما لی ٹی کھوسہ اتحاد نا کال آ کھوسہ اتحاد نا صوبائی سروک حاجی نثار احمد کھوسہ نا سروکی ٹی برانزی ریلی کھوسہ ہاؤس آن کشنگا ، ریلی بازار آن مرسا پریس کلب آ سرمس، ہراڑے بلوچستان اٹی بھارتی نیام تمنگ نا برخلاف مچی کننگا و بھارتی وزیراعظم مودی نا پتلا ءِ خاخر تننگا و بھارتی بیرک ءِ ہم خاخر تننگا ۔
مچی کروک آتیان ھاجی نثار احمد کھوسہ ، ظفر فراز کھوسہ ، محمد سہیل کھوسہ خادم حسین کھوسہ ، مجاہد عبدالطیف کھوسہ ، کمانڈر برکت علی کھوسہ ، حاجی محمد صدیق کھوسہ ، ندیم حسین کھوسہ تران کرسا پاریر کہ بلوچستان اٹی بھارتی نیام تمنگ ءِ ہر گز سگنگ پننگک ، بھارتی وزیراعظم نا بلوچستان اٹی نیام تمنگ نا اعترافی بیان آن گڈ بھارت نا مکروہ چہرہ مون آ بسنے اوپاریر کہ صوبہ بلوچستان ننا غٹ انا ءِ اوٹی رہینگوک آک اونا وارث آک ءُ صوبہ نا رکھ ءِ کننگ نن جوانی اٹ چانہ ، بلوچستان اٹی بھارتی نیام تمنگ نا کیہی وار ثبوت ملانے، ترانکار آک پاریر کہ کشمیر اٹی بھارتی ظلم دے پہ دے زیات مننگ ءِ اقوام متحدہ تینا کڑد ءِ ادا کے کشمیر اٹی ساڑی آ دے تیٹی کیہی کودک کشمیری مسلمان تے شہید کننگا ہرانا نن ترند انگا لوز آتیٹی مذمت ءِ کینہ کشمیرکستان نا اٹوٹ انگ ءِ کشمیریک آجوئی ہلسا گڑا سلرہ ۔
