ڈیرہ مراد جمالی (پاکستان نیوز پوائنٹ 18اگست 2016ء) بلوچستان اٹی ”را“ نا نیام تمنگ و بھارتی وزیراعظم نا بیان نا برخلاف تحریک انصاف نا راہشون و کارندہ غاک ڈیرہ مراد جمالی ٹی قومی شاہراہ غا دھرنہ و بھارت نا برخلاف سخت نعرہ بازی کریر و نریندر مودی نا پتلا ءِ ہشار ۔ سرجم احوال آتارداٹ تحریک انصاف نا کنڈآن برانزی ریلی تحریک انصاف نا صوبائی راہشون میر سنجر خان جمالی نا سروکی ٹی جمالی ہاؤس آن کشنگا، مچی کروک آتا دوتے ٹی قومی بیرک ئس۔
داوخت آ میر سنجر خان جمالی، منصور احمد جمالی، جہانگیر منگی تون اوار ایلو ترانکار آک تران کرسا پاریر کہ نریندر مودی ساڑی آ بیان اٹی دبے لوز آتیٹی بلوچستان اٹی نیام تمنگ نا اعتراف ءِ کرسا بھارتی مکروہ دروشم ءِ بے نقاب کرے نن واضع کینہ کہ بلوچستان نا چنا چنا ملک انادفاع کن پاک فوج تون تفوک ءِ و تینا جان تے ندر کننگ کن تیار ءُ۔ اوپارے کہ بلوچستان اٹی نیام تمنگ نا بھارت ءِ حساب تروئی مریک۔ بلوچستان اٹی بمب دھماکہ و دہشت گردی نا پد اٹ بھارتی دو ءِ ہرا پاکستانی قوم ءِ منافرت نا کمک اٹ دراڑ شاغنگ نا کوشست کننگ ءِ ولے نن صفا کینہ کہ وطن عزیز پاکستان کن نن اسہ جان اُن۔
