بڑزکو پنجاب ، خیبر پختونخوا ، فاٹا، کشمیر و گلگت بلتستان نا گڑاس ایب و کیب علاقہ غاتیٹی ترند تہو و ہورہ و گروک تون پِر انا گمان

اسلام آباد (پاکستان نیوزپوائنٹ 15 اگست2016ء) اسلام آباد ، راولپنڈی تون اوار بڑزکو پنجاب ، خیبرپختونخوا ، فاٹا، کشمیر و گلگت بلتستان نا گڑاس ایب و کیب علاقہ غاتیٹی ترند تہو و ہورہ گروک تون پر وخت اس کہ ملک انا ایلو علاقہ غاتیٹی موسم باسن وسلنگ نا گمان ءِ۔ پی ٹی وی نا رداٹ تدوک آ 24گھنٹہ نا وخت اسلام آباد، راولپنڈی لاہور و گجرانوالہ نا علاقہ غاتیٹی پرآن گڈ موسم خوشگوار مس۔

غٹ آن زیات پر لاہور اٹی22ملی میٹر وخت اس کہ غٹ آن زیات درجہ حرارت سکھر اٹی 41ڈگری سینٹی گریڈ ریکارڈ کننگا۔ بروک آ 24گھنٹہ نا وخت اسلام آباد راولپنڈی تون اوار گوجرانوالہ ، لاہور، سرگودھا، مالاکنڈ، ہزارہ ، پشاور، کوہاٹ ڈویژن، فاٹا، گلگت بلتستان و کشمیر اٹی گڑاس ہند آتیا ترند تہو و ہورہ و گروک تون پر وخت اس کہ ملک انا ایلو علاقہ غاتیٹی موسم باسن و مرطوب سلنگ نا گمان ءِ۔ محکمہ موسمیات نا رداٹ مشی آ علاقہ غاتیٹی پر انا سوب برساتی نالہ غاتیٹی ڈورتا دیر ہتنگ و لینڈ سلائیڈنگ نا خدشہ ءِ۔