اسلام آباد (پاکستان نیوزپوائنٹ 15 اگست2016ء) گڈو سکھر بیراج آن اینخو سال بشام نا اولیکو سیلابی ریلہ (اینو) سے شنبے آ گدرینگک ۔ نجی ٹیلی ویژن سیلاب نا احوال تروک آ بنجانا بابت پارینے کہ بڑزکو علاقہ غاتیٹی پدریسہ پر تا سوب دریاب آتیٹی دیر انا کہول بڑز مننگ ءِ۔ ہرانا سوب آن کیہی ہند آتیا سیلابی حالیت ودی مسنے۔ سیلاب نا احوال تروک آ بنجانا سروک نا رداٹ دریاب سندھ اٹی نیامکو درجہ نا سیلاب ءِ و اینخو سال انا غٹ آن بھلا ریلا اینو بے وخت داکان گدرینگک۔
اوپارے کہ گڈو و سکھر بیراج آ دیر انا کہول ترندی اٹ بڑز مننگ ءِ۔ گڈو بیراج آ دیر انا بننگ 3لکھ 20 ہزار 6سد و پیش تمنگ 2لکھ 88 ہزار 3سد کیوسک ریکارڈ کننگانے وخت اس کہ سکھر بیراج آ دیر انا بننگ 2لکھ 31ہزار 3سد و پیش تمنگ 1لکھ 75ہزار 4سد کیوسک ریکارڈ کننگانے۔
