اسلام آباد(پاکستان نیوز پوائنٹ 27اپریل2017ء) صدر مملکت ممنون حسین پارینے کہ پاکستان دہشت گردی و شدت پسندی نا چٹفنگ کن پرعزم ءِ و دا چرجوئی ٹی نیشنل ایکشن پلان و ”آپریشن ردالفساد “ نا رداٹ آخریکو دہشت گرد انا چٹفنگ اسکان کارروائیک برجاسلرہ۔ صدر مملکت داہیت ءِ اٹلی نا فوج انا سروک جنرل ڈینیلو ایر کو تون ہیت و گپ اٹی پارے ہراپنچ شنبے آ ایوان صدر اٹی صدر مملکت تون اوڑدہی کرے۔
صدر مملکت پارے کہ دہشت گردی نا چٹفنگ کن غٹ ملک آک یکجا مرسا کاریم کیر۔ اوپارے کہ پاکستان اٹلی تون تعلقداری تے بھاز اہمیت ایتک و دفاع نا بشخ اٹی اٹلی تون پین کمک ءِ ودفنگ نا خواہندار ءِ۔ صدر مملکت اٹلی نا کنڈآن پاک بحریہ نا پروگرام تیٹی شرکت نا ہم ستاءِ کرے و اٹلی ننا کڑد انا ستاءِ کرے۔ داوخت آ اٹلی نا فوج انا سروک ڈینیلو ایریکو پارے کہ ہڑتوم آ ملک آتا فوج آتا اقدار مشترک ءِ و اٹلی دہشت گردی نا چٹفنگ و ڈیہہ ٹی امن و سوگوی کن کڑد ادا کننگ آ پاک فوج انا ستاءِ کرے۔ اوپارے کہ ہڑتوم آ ملک آتا فوج آتا نیام اٹ کمکاری آخبت اٹی ہم برجاسلک۔
