صدر مملکت ممنون حسین نا نیشنل اسکول آف پبلک پالیسی ٹی زیر تربیت افسر آتیان تران

صدر مملکت ممنون حسین نا نیشنل اسکول آف پبلک پالیسی ٹی زیر تربیت افسر آتیان تران

اسلام آباد(پاکستان نیوز پوائنٹ 27اپریل2017ء) صدر مملکت ممنون حسین پارینے کہ پاکستان اوغانستان اٹی امن و سوگوی کن ہمیشہ مخلصانہ کڑدادا کرینے و دا چرجوئی ٹی او روس انا جوڑ جاڑی کڑد انا خیرمقدم ءِ کیک، ساڑی جہانی حالیت آتیٹی پاکستان نا خارجہ پالیسی گچین ءِ و دا شاندار سرسہبی تے دوئی کرینے۔ صدر مملکت دا ہیت ءِ پنچ شنبے نا دے داڑے نیشنل اسکول آف پبلک پالیسی ٹی زیر تربیت افسر آتیان تران کرسا پارے۔

صدر مملکت پارے کہ اوغانستان اٹی امن و سوگوی ننا اولیت ءِ ، دا چرجوئی ٹی ننا پرخلوص کوشست آتانتیجہ برآمد مننگ ءِ، اوپارے کہ اوغانستان اٹی حالیت آتا خرابی نازئم آک پاکستان آہم مرتب مریک ، ہنداخاطران پاکستان اوغانستان اٹی سوگوی نا ہرکوشست نا سرسہبی کن خلوص اٹ کاریم کرینے۔ صدر مملکت پارے کہ پاکستان روس آن گچین تعلقداری خوائک وروس اتون خوشگوار تعلقداری پاکستان نا خارجہ پالیسی نا سرسہبی ءِ ۔

صدر مملکت پارے کہ ملکی پالیسی تا سمت درست ءِ ہراٹی ملک انا معیشت گچین مننگ ءِ و زرکاری ٹی ودکی مننگ ءِ۔ اوپارے کہ پاکستان اللہ تعالیٰ نا فضل اٹ شونداری نا اسہ بھلو جھپ اس خلنگ نا تیاری کننگ ءِ ہراٹی قوم انا غٹ تپہ غاک بایدے تینا بشخ ءِ شاغر ۔ داوخت آ صدر مملکت زیر تربیت سینئر افسر آتا سوج آتا ورندی ءِ ہم تس۔