اسلام آباد (پاکستان نیوز پوائنٹ 08 اگست 2016ء) چیئرمین سینیٹ میاں رضا ربانی و ڈپٹی چیئرمین سینیٹ مولانا عبدالغفور حیدری کوئٹہ نا سول ہسپتال اٹی دھماکہ و سم کاری نا واقعہ نا ترندی اٹ مذمت ءِ کرینو ہرانا نتیجہ ٹی کیہی بندغ آک تپاخت و ٹھپی مسنو۔ اوفک دادے لغوری کارروائی اس گوندسا پاریر کہ دہشت گرد آک تینا مذموم مسخت آتیٹی وخت اس ہم سرسہب مفسہ۔
چیئرمین سینیٹ و ڈپٹی چیئرمین سینیٹ تینا جتا جتا ہڑزخواہی کلہو آتیٹی دعا کریر کہ اللہ تبارک و تعالیٰ داواقعہ ٹی تپاخت کروک آتے جنت الفردوس اٹی جاگہ ایتے و اوفتاخاہوت آتے داصدمہ ءِ صبر و حوصلہ اٹ سگنگ نا توفیق عطاء فرمائفے۔ او واقعہ ٹی ٹھپی مروک آتا زوت جان جوڑی کن ہم دعا کریر۔ سینیٹ اٹی قائد ایوان سینیٹر راجہ محمد ظفرالحق و قائد حزب اختلاف سینیٹر چوہدری اعتزاز احسن ہم بمب دھماکہ نا ترندی اٹ مذمت ءِ کرے و اودے لغوری کارروائی اس گوندانے۔ اوتپاخت کروک آتے کن بخشش نا دعا و ٹھپی مروک آتا زوت جان جوڑی کن دعا ہم کرے۔
