اسلام آباد (پاکستان نیوز پوائنٹ 08 اگست 2016ء) وزیراعظم محمد نواز شریف سول ہسپتال کوئٹہ ٹی بمب دھماکہ نا ترندی اٹ مذمت ءِ کرسا قیمتی جانی نسخان تیا ڈکھ و غم نا درشانی ءِ کرینے۔ دوشنبے آ داڑے وزیراعظم ہاؤس آن جاری اسہ بیان اسے ٹی وزیراعظم پارے کہ ہچ گہس ءِ صوبہ نا امن ءِ خراب کننگ نا موکل تفنہ انتئے کہ دا امن سیکورٹی فورسز، پولیس و بلوچستان نا الس نا کوشست و بے پناہ قربانی تیان بحال مسنے ۔
وزیراعظم نواز شریف ٹھپی مروک آتے درمان نا گچین آسراتی تننگ نا پارت کرینے۔ اوپارے کہ اللہ تعالیٰ تپاخت کروک آتے جنت الفردوس اٹی جاگہ ایتے و اوفتا خاہوت آتے دا صدمہ ءِ برداشت کننگ نا حوصلہ عطاء فرمائفے۔ وزیراعظم تعلقدار کمامدار آتے وکیل و سول سوسائٹی کن رکھی بست و بند آتے سخت کننگ نا پارت ہم کرے۔
