اسلام آبا د(پاکستان نیوز پوائنٹ 05 اگست 2016ء) پاکستان مسلم لیگ (ن) نا سینیٹر نجمہ حمید پارینے کہ جہانی تنظیمک ساڑی آ حکومت نا دانشمندانہ اقتصادی پالیسی تے خوش آئند گوندانو۔ ریڈیو پاکستان تون ہیت وگپ کرسا اوپارے کہ پاکستان مسلم لیگ (ن) نا حکومت نا معاشی پالیسی تا سوب ملکی معیشت دے پہ دے گچین آن گچین مننگ ءِ و داہیت انا ثبوت ءِ کہ مچ آ دنیا نا جہانی تنظیمک ساڑی آحکومت نا دانشمندانہ اقتصادی پالیسی تے خوش آئند گوندانو۔
پاک چین اقتصادی راہداری ڈٹ انا بابت اوپارے کہ داڈٹ شون اکن مزل اسے نا نشان ثابت مریک و داڑآن پاکستان تون اوار ڈیہہ نا قسمت بدلینگک۔ سینیٹر نجمہ حمید پارے کہ حزب اختلاف ءِ حکومتی ایجنڈہ غا مثبت اندازاٹ تنقید کروئی مرے۔ اومستی پارے کہ ملکی شون و معیشت نا مون آدننگ کن غٹ سیاسی جماعت آتے حکومت تون اواری اٹ تینا کڑد ءِ ادا کروئی مرے۔
