اسلام آباد (پاکستان نیوز پوائنٹ 05 اگست 2016ء) امریکہ نا پنی جاچکار ڈاکٹر فرحت حق پارینے کہ سارک کانفرنس اٹی کشمیر نا ویل ءِ بنداوی اہمیت تننگانے۔ ریڈیو پاکستان تون ہیت وگپ کرسا اوپارے کہ کشمیر نا بابت پاکستان و بھارت نا تینا جتا جتا موقف ءِ، بھارت دنیا نا مون آ ظاہر کننگ خواہک کہ او کشمیر تا تحریک نا مخ تفی ءِ کننگ ءِ وخت اس کہ پاکستان نا موقف ءِ کہ کشمیر نا ویل ءِ اقوام متحدہ نا قرارداد آتا رداٹ ایسر کروئی مرے۔
اوپارے کہ سارک کانفرنس اٹی کشمیر نا ویل توجوہ نا بنجا مسنے۔ فرحت حق اومیت نا درشانی ءِ کرسا پارے کہ کشمیری تا حق خودارادیت نا جہد نا بھرم ضرور ملک۔ اوکشمیر ناویل آ پاکستان نا کوشست آتا ستاءِ کرسا پارے کہ پاکستان ہمیش جہانی کہول آ داویل ءِ گچین وڑاٹ تالان کرینے۔
